ا ق ش- تا ءجۇرىپ قازاق ءتىلىن ۇيرەنگەن جاڭا باس كونسۋل كەرولاين سەۆيدج الماتىعا كەلدى
باس كونسۋل ءسەۆيدجدىڭ كونسۋلدىق ايماعىنا الماتى جانە شىمكەنت قالالارى، سونداي- اق الماتى، قىزىلوردا، تۇركىستان جانە جامبىل وبلىستارى كىرەدى.
«باس كونسۋل قىزمەتىنە كىرىسۋ ءۇشىن بۇل ەرەكشە ۋاقىت، سەبەبى بيىل قازاقستاننىڭ تاۋەلسىزدىگىنە 30 جىل تولعالى وتىر، ءارى ەكى ەل بولىپ ا ق ش پەن قازاقستان ديپلوماتيالىق قاتىناسىنىڭ وتىز جىلدىعىن اتاپ وتۋدەمىز. ءالى دە قارقىنى باسىلماعان پاندەميا دا وسى كۇنى ەرەكشە نازاردا جانە ەكى ەلدىڭ COVID-19 ىندەتىنە قارسى بىرلەسكەن كۇرەسى ا ق ش ميسسياسىنىڭ باسىمدىلىعى بولىپ قالا بەرەدى»، - دەدى باس كونسۋل سەۆيدج.
باس كونسۋل سەۆيدج - قازاق ءتىلىن قازاقستانعا كەلەر الدىندا وقىپ- ۇيرەنگەن العاشقى ا ق ش- تىڭ باس كونسۋلى.
«وسى قىزمەتىمە دايىندالۋ كەزىندە قازاق ءتىلىن اسا قىزىعۋشىلىقپەن وقىدىم. قازاق ءتىلىن ەندىگارى قازاقستان حالقىمەن بايلانىسىمىزدى تەرەڭدەتىپ، ەكىجاقتى ىنتىماقتاستىقتى نىعايتۋ ءۇشىن قولدانۋعا اسىقپىن»، - دەپ اتاپ ءوتتى باس كونسۋل سەۆيدج.
باس كونسۋل سەۆيدج ا ق ش مەملەكەتتىك دەپارتامەنتتەگى قىزمەتىن 2004 -جىلى باستاعان. ا ق ش- تىڭ الماتىداعى باس كونسۋلى بولىپ تاعايىندالعانعا دەيىن ول ۆاشينگتوندا ورنالاسقان جاھاندىق قوعاممەن بايلانىس بيۋروسىنىڭ شەتەلدىك باق وكىلدەرى ورتالىعىن باسقارعان.
ۆاشينگتوندا قىزمەت ەتكەن جىلدارى سەۆيدج حانىم ۇلتتىق قاۋىپسىزدىك كەڭەسىنىڭ رەسەي جانە ورتالىق ازيا ءبولىمىنىڭ باسشىسى جانە رەسەي بولىمىندە ساياسي، اسكەري جانە سىرتقى ىستەر كەڭەسشىسى، سونداي- اق دجوردجتاۋن ۋنيۆەرسيتەتى ديپلوماتيانى زەرتتەۋ ينستيتۋتىنىڭ ۆيردجينيا جانە دين راسك اتىنداعى ستيپەنديا يەگەرى جانە زەرتتەۋشى بولدى.
