جامبىل وبلىسىندا يسلام ءدىني بىرلەستىگىنىڭ عيماراتى ورتەندى

تاراز. قازاقپارات - جامبىل وبلىسىنىڭ ت. رىسقۇلوۆ اۋدانىنداعى يسلام ءدىني بىرلەستىگىنىڭ عيماراتى ورتەندى، دەپ حابارلايدى قازاقپارات وبلىستىق ت ج د- عا سىلتەمە جاساپ.

«20-تامىز كۇنى ساعات 17:38-دە ت ج د كەزەكشى قىزمەتىنە ت. رىسقۇلوۆ اۋدانىنىڭ جارلىسۋ اۋىلىنداعى ءورت تۋرالى اقپارات كەلىپ ءتۇستى. قازاقستان مۇسىلماندارى ءدىني باسقارماسى رەسپۋبليكالىق يسلام ءدىني بىرلەستىگى فيليالىنىڭ 1-قاباتتى عيماراتىنداعى ءورت جوندەۋ جۇرگىزىپ جاتقان كەزدە شىققان».

ت ج د مالىمەتىنشە، ءورت اۋماعى 90 شارشى مەتردى شارپىعان. عيماراتتىڭ قابىرعالارى راما، شاتىرى مەمبرانا جابىننان جاسالعانى بەلگىلى بولدى. ءورت ساعات 18.53-تە اۋىزدىقتالىپ، 19.20-دا ءسوندىرىلدى. وقىس وقيعادان ەشكىم زارداپ شەكپەدى. ءورت سوندىرشىلەردىڭ بولجامىنشا، وتتى ابايسىز قولدانۋدان نىسان ورتەنىپ كەتكەن.