07:40, 23 - تامىز 2021 | GMT +5
ءۇيىنىڭ تەرەزەسىنەن جىلقىلارعا وق اتقان قوستاناي تۇرعىنى ۇستالدى
رۋدنىي. قازاقپارات - رۋدنىي قالاسىندا ىشىمدىككە ماس بولعان ەر ادام ءۇيىنىڭ تەرەزەسىنەن دالادا جۇرگەن جىلقىلارعا وق اتقان، دەپ حابارلايدى قازاقپارات ءتىلشىسى.
«قوستاناي وبلىستىق پوليتسيا دەپارتامەنتى قارۋعا ۇقسايتىن زات ۇستاعان ەر ادام بەينەلەنگەن ۆيدەوعا قاتىستى تۇسىنىكتەمە بەرەدى. اتالعان فاكتىگە وراي پوليتسيا شىندىعىندا دا 22-تامىز كۇنى رۋدنىي قالاسىندا، 32 جاستاعى ازاماتتىڭ ماس كۇيدە ساعات شامامەن 17:30-دا ءوزىنىڭ ەكىنشى قاباتتا ورنالاسقان پاتەرىنىڭ بالكونىنان قاراۋسىز جۇرگەن جىلقىلارعا پنەۆماتيكالىق تاپانشامەن بىرنەشە مارتە وق اتقاندىعىن راستالدى»، - دەلىنگەن ۆەدومستۆو اقپاراتىندا.
اتالعان فاكتى تىركەلىپ، پنەۆاتيكالىق تاپانشا تاركىلەنگەن. پروتسەسسۋالدىق شەشىم قابىلدانعالى جاتىر. سونىمەن قاتار قاراۋسىز جۇرگەن جىلقىلاردىڭ يەسىن انىقتاۋ ءىس-شارالارى دا قولعا الىنعان. وقيعا كەزىندە زارداپ شەككەندەر مەن قازا تاپقاندار جوق.
اۆتورى: جاننا مۇسابايەۆا
