قازاقستان بوكسشىسى جان كوسوبۋتسكي قارسىلاسىن نوكاۋتقا جىبەردى

نۇر- سۇلتان. قازاقپارات - قازاقستاندىق بوكسشى جان كوسوبۋتسكي (15-0, 14 ك و) گەرمانيانىڭ گامبۋرگ قالاسىندا وتكەن بوكس كەشىندە كەزەكتى جەكپە- جەگىن وتكىزدى، دەپ حابارلايدى قازاقپارات ءتىلشىسى.

Sports.kz مالىمەتىنشە، جەڭىلىپ كورمەگەن اسا اۋىر سالماقتاعى قازاقستاندىق بوكسشى جان كوسوبۋتسكي WBA International چەمپيونى بەلبەۋىن قورعاۋ ءۇشىن «تانك» دەگەن لاقاپ اتى بار امەريكالىق دجوۋي داۆەيكومەن (21-8-4, 12 ك و) جۇدىرىقتاستى. اسا اۋىر سالماقتاعى جەكپە- جەك 12 راۋندقا سوزىلۋى ءتيىس بولاتىن. الايدا، امەريكالىق سوڭىنا دەيىن شىداي المادى.

قازاقستاندىق ەكىنشى راۋندتا قارسىلاسىن نوكاۋتقا جىبەردى. وسىلايشا، جان كوسوبۋتسكي كاسىبي مانساب جولىندا 16-رەت جەڭىسكە جەتتى جانە ەكىنشى دەڭگەيلى WBA اتاعىن ءساتتى قورعاپ قالدى. ال دجوۋي داۆەيكو كاسىبي رينگتە وسىمەن 9- رەت جەڭىلىستىڭ اشى ءدامىن تاتتى.