كوفە نەسىمەن پايدالى؟

نۇر- سۇلتان. قازاقپارات – كوفە تەك سەرگىتىپ قويماي، كوپتەگەن پايدالى قاسيەتكە يە. مۇنى ديەتولوگتار دا راستايدى.

مەديتسينالىق New England Journal of Medicine جۋرنالىنىڭ زەرتتەۋى بويىنشا كوفە جۇرەك پەن باۋىردى نىعايتادى، ينسۋلينگە توزىمدىلىكتەن قورعايدى جانە ءتىپتى پسيحيكالىق دەنساۋلىقتى جاقسارتادى.

تاعى ءبىر زەرتتەۋ كۇنىنە 1-3 كەسە كوفە ىشەتىن ادامداردىڭ ءومىر ءسۇرۋ ۇزاقتىعى ارتىپ، ءولىم قاۋپى % 15 تومەندەگەنىن انىقتادى. ياعني ونداعى انتيوكسيدانتتار جۇرەك- تامىر جۇيەسىن جاقسارتادى. كوفە كوڭىل- كۇيدى جاقسارتادى. گارۆارد عالىمدارى ورتا جاستاعى 50 مىڭنان استام ايەلدى زەرتتەپ، كوفە ىشەتىندەردىڭ دەپرەسسيادان از زارداپ شەگەتىنىن انىقتادى. سۋسىن سونىمەن قاتار پاركينسون مەن السگەيمەر اۋرۋىنان قورعاي الادى. ياعني كوفەين مەن كوفە قۇرامىنداعى ماي قىشقىلدارى مي نەيروندارىن قورعايدى.

سونداي- اق كوفەين سپورتشىلاردىڭ كۇشىن، جىلدامدىعىن جانە دالدىگىن جاقسارتادى جانە بۇل اسەر كەز كەلگەن جەردە 60 سەكۋندتان بىرنەشە ساعاتقا دەيىن سوزىلۋى مۇمكىن.

اقپارات كوزى: wi-fi.ru