تورعاي، ەرتىس، ارال اۋماعىندا مۇناي قورىن بارلاۋ جۇمىستارى جۇرگىزىلەدى

نۇر- سۇلتان. قازاقپارات - ق ر ەكولوگيا، گەولوگيا جانە تابيعي رەسۋرستار ۆيتسە- ءمينيسترى سەرىكقالي برەكەشيەۆ كاپسيدەن الىس اۋماقتاردان مۇناي ورىندارىن بارلاۋ جۇمىستارى قولعا الىناتىنىن ءمالىم ەتتى، دەپ حابارلايدى قازاقپارات ءتىلشىسى.

«بۇگىنگى كۇنى ەلدە وندىرىلەتىن مۇناي مەن گازدىڭ بارلىق كولەمى 5 باسسەيندە يگەرىلەدى. ولاردىڭ ىشىندە كاسپي ماڭىنىڭ ۇلەسى وراسان. بارلىق رەرسۋرستىق بازانىڭ شامامەن % 80- ى كاسپي ماڭىنا تيەسىلى. سولتۇستىك تورعاي، ەرتىس ءوڭىرى، ارال، سىرداريا، شۋ- سارىسۋ باسسەيندەرىنىڭ دە الەۋەتى زور دەپ ەسەپتەلەدى. ءبىراق بۇل باسسەيندەر از زەرتتەلگەن. ولاردىڭ ناقتى الەۋەتىن زەردەلەۋ ءۇشىن ينۆەستورلاردى تارتىپ، مەملەكەتتىك قولداۋ كورسەتۋ قاجەت»، - دەدى سەرىكقالي برەكەشيەۆ ورتالىق كوممنيكاتسيالار قىزمەتىندە وتكەن بريفينگىدە.

ونىڭ ايتۋىنا قاراعاندا، اتالعان كەنىشتەردى زەرتتەۋگە قىزىعۋشىلىق تانىتۋشىلاردىڭ العاشقى لەگىمەن كەلىسسوزدەر باستالىپ كەتكەن.

«وسىعان بايلانىستى، ىنتىماقتاستىق تۋرالى 2 مەموراندۋم جاسالدى. ءبىزدىڭ مينيسترلىك، «قازگەولوگيا» جانە «قازمۇنايگاز» ا ق ەل اۋماعىنىڭ گەولوگيالىق زەرتتەلۋىن ارتتىرۋ جانە از زەرتتەلگەن شوگىندى باسسەيندەردى يگەرۋ سالاسىندا مەموراندۋم جاساستى. «ادجيپ كاسپيان سي ب. ۆ» كومپانياسىمەن دە وسىنداي ءۇشجاقتى مەموراندۋم بەكىتىلدى»، - دەدى ۆەدومستۆو وكىلى.

سونداي- اق، ول شەتەلدىك ينۆەستورلارعا ناقتى رەگلامەنتتەلگەن تارتىپپەن الەۋەتتى كەن ورىندارىن بارلاۋعا رۇقسات بەرۋ ماسەلەسى پىسىقتالعانىن اتادى.

«وسىلايشا، ينۆەستور جەر قويناۋىنا گەولوگيالىق زەرتتەۋ جۇرگىزە الاتىنداي ايرىقشا قۇقىق الادى. بۇل ءتاسىل ينۆەستيتسيالاردىڭ نەعۇرلىم جوعارى قۇقىقتىق قورعالۋىن جانە تۇراقتىلىعىن قامتاماسىز ەتەدى. سونىمەن بىرگە، جەر قويناۋىن مەملەكەتتىك زەرتتەۋدى جانە جەكە ينۆەستيتسيالاردى بيۋدجەتتىك قارجىلاندىرۋدى ۇلعايتۋ قاجەت، بۇل پايدالى قازبالاردىڭ كەن ورىندارىن ىزدەستىرۋدىڭ پەرسپەكتيۆالىق باعىتتارىن ايقىنداۋعا مۇمكىندىك بەرەدى»، - دەدى ءمينيستردىڭ ورىنباسارى.

اۆتور: ەسىمجان ناقتىباي