پاۆلوداردا ۇيالى تەلەفوننان شىققان ورتتەن قىزدىڭ باسى كۇيىپ قالدى
وبلىستىق توتەنشە جاعدايلار دەپارتامەنتىنىڭ مالىمدەۋىنشە، وقيعا 19-تامىز كۇنى ساعات 10:20-دا نۇركين كوشەسى، 116-مەكەنجايىنداعى 2 قاباتتى تۇرعىن ۇيدە ورىن العان.
«ەكىنشى قاباتتاعى پاتەردىڭ جاتىن بولمەسىندە ءورت شىعىپ، ءۇي زاتتارى مەن جيھازدار جانعان. جالىن 20 شارشى مەتر اۋماقتى شارپىدى. ساعات 11:00-دە ءورت تولىعىمەن جويىلدى. وقيعا ورنىنان 2002 -جىلى تۋعان قىز اۋرۋحاناعا جەتكىزىلدى. قىزدىڭ باسىن 30 پايىز كۇيىك شالعان»، - دەدى قالالىق ت ج باسقارماسىنىڭ باسشىسى م. ا. تىلەكجان گالياموۆ.
دەپارتامەنتتىڭ حابارلاۋىنشا، ءورتتىڭ شىعۋىنا ەلەكتر قۇرالدارىن قولدانۋ كەزىندە ءورت قاۋىپسىزدىگى ەرەجەسىن بۇزۋ سەبەپ بولعان.
«زارداپ شەككەن قىز ۇيىقتاپ قالعان. ۇيالى تەلەفونى قۋاتتاۋ كوزىنە قوسىلىپ، توسەكتە جاتقان. شىققان ورتتەن الدىمەن ماتراس جانعان»، - دەدى دەپارتامەنتتە.
وقيعا ورنىنا ءورت ءسوندىرۋشى جەكە قۇرامنىڭ 16 ادام مەن 5 تەحنيكاسى، مەديتسينالىق كومەكتىڭ 3 ادام مەن 1 تەحنيكاسى جۇمىلدىرىلدى.
