گايتيدە جەر سىلكىنىسىنەن قازا بولعاندار سانى ارتىپ بارادى
بۇل تۋرالى سارسەنبى كۇنى رەسپۋبليكانىڭ ازاماتتىق قورعانىس باسقارماسىنان مالىمدەدى، دەپ حابارلايدى قازاقپارات تاسس اقپارات اگەنتتىگىنە سىلتەمە جاساپ.
ۆەدومستۆو تاراتقان مالىمەتكە سايكەس، وڭتۇستىك دەپارتامەنتىندە 1832 ادام، گراند- انس دەپارتامەنتىندە 218 ادام، نيپپ دەپارتامەنتىندە 137 ادام جانە سولتۇستىك- باتىس دەپارتامەنتىندە ەكى ادام قازا بولدى. سونداي-اق جاراقات العان 12268 ادام تىركەلدى. ايماقتا 100 مىڭنان استام عيمارات تولىق نەمەسە جارىم-جارتىلاي قيراعان. قازىرگى كەزدە قۇتقارۋشىلار ۇيىندىلەر استىنان ادامداردى ىزدەۋدى جالعاستىرىپ جاتىر.
ەسكە سالا كەتەيىك، 14-تامىز تاڭدا گايتيدە ماگنيتۋداسى 7,2 جەر سىلكىنىسى بولدى. ءزىلزالا ەپيسەنترى 125 مىڭعا جۋىق تۇرعىنى بار لە- كە كوممۋناسىنان 40 شاقىرىم جەردە ورنالاسقان، تەرەڭدىگى - 10 شاقىرىم. جەر سىلكىنىسى سالدارىنان وڭتۇستىك، گراند- انس جانە نيپپ دەپارتامەنتتەرى قاتتى زارداپ شەكتى. ەل ۇكىمەتى ءبىر ايعا توتەنشە جاعداي رەجيمىن ەنگىزدى. گايتيدە قۋاتتى جەر سىلكىنىسىنەن كەيىن «گرەيس» تروپيكالىق داۋىلى باستالدى.
ول جەر سىلكىنىسىنەن زارداپ شەككەندەرگە كومەك كورسەتۋ جانە ءتىرى قالعانداردى ىزدەۋ جۇمىستارىن قيىنداتتى. گايتي 2010 -جىلى 200 مىڭنان استام ادامنىڭ ءومىرىن قيىپ اكەتىپ، ءبىر جارىم ميلليون ادامدى پاناسىز قالدىرعان جەر سىلكىنىسىنەن كەيىن ءالى ەسىن جيعان جوق. ءتىپتى، ەلدەگى پرەزيدەنت سارايى دا ءالى قالپىنا كەلتىرىلمەگەن.
