شەشەنستاننىڭ حالىق ءارتىسى قازاقشا ءان شىرقاپ، ەلدى ءتانتى ەتتى - ۆيدەو

ول قازاق ۆالسىنىڭ كورولى ءشامشى قالداياقوۆتىڭ ايگىلى «انا تۋرالى جىر» ءانىن ورىنداپ، ۆيدەونىڭ كاۆەر نۇسقاسىن YouTube-تە جاريالادى.
ۆيدەونىڭ تۇسىكتەمەسىندە:
«انا… الەمنىڭ بارلىق تىلدەرىندە عاجاپ ەستىلەتىن ءسوز. شەشەنستان رەسپۋبليكاسىنىڭ حالىق ءارتىسى ەلينا مۋرتازوۆا بارشا انالارعا ارناپ وسى ءبىر جانتەبىرەنتەرلىك، اسەرلى ءاندى قازاق تىلىندە ورىندادى»، - دەپ جازىلعان.
سونداي-اق، وندا ەكى حالىقتىڭ اراسىن ۇزاق ۋاقىت بويى باۋىرلىق، دوستىق قارىم- قاتىناس بايلانىستىرىپ تۇرعانى اتاپ وتىلگەن.
«اتا- بابالارىمىزدىڭ تاريحى مەن باستان وتكەرگەن قيىنشىلىقتار ءبىزدى بىرىكتىرەدى. شەشەن حالقى اۋىر كۇندەردى باستان كەشكەندە قازاقستان كومەك قولىن سوزدى»، - دەپ جازعان اۆتور.
ەلينا مۋرتازوۆا ءۇشىن قازاقستان ەكىنشى وتانى ىسپەتتى. ءانشى ءبىر كەزدەرى ءبىزدىڭ ەلدە تۇرعان.
Stan.kz