قوسشى قالاسىنا العاشقى پروكۋرور تاعايىندالدى

كوكشەتاۋ. قازاقپارات - قازاقستان رەسپۋبليكاسى باس پروكۋرورىنىڭ بۇيرىعىمەن ءجۇسىپ ەربولات قوسشى قالاسىنىڭ پروكۋرورى لاۋازىمىنا تاعايىندالدى، دەپ حابارلايدى قازاقپارات ءتىلشىسى اقمولا وبلىسى پروكۋراتۋراسىنىڭ باسپا ءسوز قىزمەتىنە سىلتەمە جاساپ.

ءجۇسىپ ەربولات ەركىن ۇلى 1979 -جىلى دۇنيەگە كەلگەن. قازاق مەملەكەتتىك زاڭ اكادەمياسىن «قۇقىق تانۋ» ماماندىعى بويىنشا بىتىرگەن. پروكۋراتۋرا ورگاندارىنداعى قىزمەتىن 2001 -جىلى باستاعان. باتىس ايماقتىق كولىك پروكۋراتۋراسىنىڭ ءبولىم باستىعى، اقمولا وبلىسى پروكۋراتۋراسىنىڭ، باس كولىك پروكۋراتۋراسىنىڭ باسقارما باستىعى، س ق و ءۋاليحانوۆ اۋدانىنىڭ پروكۋرورى، اقمولا وبلىسى پروكۋراتۋراسىنىڭ باسقارما باستىعى - اپپارات باسشىسى قىزمەتتەرىن اتقارعان. سىنىپتىق شەنى - ادىلەت كەڭەسشىسى.

ەسكە سالا كەتسەك، 27-شىلدەدەگى مەملەكەت باسشىسى قاسىم-جومارت توقايەۆتىڭ اقمولا وبلىسىنىڭ اكىمشىلىك- اۋماقتىق قۇرىلىسىنداعى وزگەرىستەر تۋرالى جارلىعىنا سايكەس قوسشى اۋىلى وبلىستىق مارتەبەسى بار قالاعا اينالدى.