اۋعانستاندا وزدەرىن قازاقپىز دەيتىندەر كوبەيىپ كەتتى – سء ى م

نۇر-سۇلتان. قازاقپارات - اۋعانستان اۋماعىندا باسقا ۇلت وكىلدەرى وزدەرىن قازاقپىز دەپ تانىستىرىپ، كومەك سۇراۋدى جيىلەتكەن.

بۇل تۋرالى ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ ءمالىم ەتتى، دەپ حابارلايدى قازاقپارات ءتىلشىسى.

«سوڭعى كۇندەرى قازاقستاننىڭ اۋعانستانداعى ەلشىلىگىنە وزدەرىن قازاقپىز دەپ تانىستىراتىن ازاماتتاردىڭ جۇگىنۋى جيىلەپ كەتتى. ءبىراقتا ءىس جۇزىندە ولاردىڭ ەشقانداي دالەلدەرى جوق. ولاردىڭ كەيبىرەۋلەرى قازاق تىلىندە سويلەي المايدى. سونداي-اق اتا-بابالارىنىڭ اۋعانستان اۋماعىنا قونىس اۋدارۋ تاريحىمەن، رۋ-تايپالىق بايلانىستارى تۋرالى دا ايتا المايدى. ءبىز ەتنيكالىق قازاقتاردىڭ تاريحي وتانىنا ورالۋىنا كومەك كورسەتۋ تۋرالى بارلىق وتىنىشتەرگە مۇقيات تەكسەرۋ جۇمىستارىن جۇرگىزەمىز. ول ءبىر كۇندىك جۇمىس ەمەس سوندىقتان ۋاقىت تالاپ ەتەدى»، - دەدى ايبەك سماديروۆ تىلشىلەرگە بەرگەن سۇحباتىندا.

بۇعان دەيىن ول اۋعانستان اۋماعىندا قانشا قازاقتىڭ تۇرىپ جاتقانىن ايتىپ بەرگەن ەدى.

ەسكە سالا كەتسەك، قازاقستان اۋعانستاننان 42 ادامدى ەۆاكۋاتسيالادى. قازاقستانعا 25 قازاقستان ازاماتى، ونىڭ ىشىندە 15 ەرەسەك ادام جانە 10 بالا، سونداي-اق ق ر ەلشىلىگىنىڭ قىزمەتكەرلەرى كەلدى.