بيىل قازاقستاندا قانشا استىق جينالۋى مۇمكىن – ا ش م ەسەپ بەردى

نۇر- سۇلتان. قازاقپارات - قازاقستاننىڭ ەكسپورتتىق نارىقتارداعى پوزيتسياسىن ساقتاپ تۇرۋعا مۇمكىندىك بار.

بۇل تۋرالى ۇكىمەت وتىرىسىندا ق ر اۋىل شارۋاشىلىعى ءمينيسترىنىڭ مىندەتىن اتقارۋشى ەربول قاراشوكەيەۆ ءمالىم ەتتى، دەپ حابارلايدى قازاقپارات ءتىلشىسى.

«ءبىزدىڭ الدىمىزدا الەمدىك ازىق- تۇلىك باعاسىنىڭ ءوسۋى مەن جالعاسىپ جاتقان Covid-19 كوروناۆيرۋس پاندەمياسى جاعدايىندا ەلدىڭ ازىق- تۇلىك قاۋىپسىزدىگىن قامتاماسىز ەتۋ بويىنشا ماڭىزدى مىندەت تۇر. وبلىستار اكىمدىكتەرىنىڭ دەرەكتەرى بويىنشا استىقتىڭ جالپى جينالىمىنىڭ بولجامدى كولەمى 15,3 ميلليون توننا دەڭگەيىندە بولادى دەپ كۇتىلۋدە. بۇدان باسقا، رەسپۋبليكادا 3,5 ميلليون توننا كولەمىندە اۋىسپالى استىق قالدىعى بار»، - دەدى ەربول قاراشوكەيەۆ.

ونىڭ ايتۋىنشا، مەملەكەت باسشىسىنىڭ تاپسىرماسى اياسىندا بيىل ازىق- تۇلىك كەلىسىمشارت كورپوراتسياسى اۋىل شارۋاشىلىعى ونىمدەرىن فورۆاردتىق ساتىپ الۋدى جۇزەگە اسىردى، سونىڭ ارقاسىندا ازىق- تۇلىك كەلىسىمشارت كورپوراتسياسىنىڭ رەسۋرستارىنا 769,5 مىڭ توننا كولەمىندە استىق جەتكىزۋگە كەلىسىمشارت جاسالى. بۇل رەتتە ازىق- تۇلىك كەلىسىمشارت كورپوراتسياسىندا 448 مىڭ توننا كولەمىندە رەزەرۆتىك استىق قورى بار. كورسەتىلگەن استىق كولەمى قاجەت بولعان جاعدايدا، ازىق- تۇلىك قاۋىپسىزدىگىن قامتاماسىز ەتۋ جانە ونى تۇراقتاندىرۋ ءۇشىن ىشكى نارىققا باعىتتالاتىن بولادى.

«اۋىسپالى قالدىقتاردى ەسكەرە وتىرىپ، جالپى جينالاتىن استىقتىڭ كۇتىلەتىن كولەمى رەسپۋبليكانىڭ ىشكى قاجەتتىلىكتەرىن تولىق قامتاماسىز ەتۋگە، سونداي- اق استىقتىڭ بەلگىلى ءبىر كولەمىن ەكسپورتتاۋعا جەتكىلىكتى. وندىرىلەتىن استىق كولەمى ەلدىڭ ازىق- تۇلىك قاۋىپسىزدىگىن قامتاماسىز ەتىپ عانا قويماي، قازاقستاننىڭ ەكسپورتتىق نارىقتارداعى پوزيتسياسىن ساقتاپ تۇرۋعا دا مۇمكىندىك بەرەدى»، - دەدى ە. قاراشوكەيەۆ.