13:30, 18 - تامىز 2021 | GMT +5
ا ق ش كابۋلداعى قىزمەتكەرلەرىن كوشىرۋدى اياقتادى
نۇر-سۇلتان.قازاقپارات - ا ق ش كابۋلداعى ديپلوماتيالىق ميسسيا وكىلدەرىنىڭ سانىن قىسقارتىپ، ەلگە قايتاتىندارىن كوشىرىپ الدى، دەپ حابارلايدى «حابار 24».
بۇل تۋرالى وسى ەلدىڭ مەملەكەتتىك دەپارتامەنتىنىڭ رەسمي وكىلى نەد پرايس مالىمدەدى. ول اۋعان استاناسىندا قالعان ديپلوماتتار امەريكالىقتار مەن اۋعان جاقتاستارىن كوشىرۋگە كومەكتەسەتىنىن جەتكىزدى.
سونداي- اق كابۋلعا اۋعانستاندا ەلشى بولعان دجون باسس بارادى. ول وندا لوگيستيكا جۇمىسىنا باسشىلىق جاسايدى.
نەد پرايس، ا ق ش مەملەكەتتىك دەپارتامەنتىنىڭ رەسمي وكىلى:
- ءبىزدىڭ توبىمىز ۇشاقتاردى تەز جانە ءتيىمدى تولتىرۋ ءۇشىن اسكەريلەرمەن جۇمىس ىستەپ جاتىر. ءبىز ديپلوماتتار سانىن قاجەتتى شەككە دەيىن قىسقارتتىق. ەندى ەلشىلىكتەن الىپ كەتەتىن باسقا قىزمەتكەر جوق. قالدىراتىنىن قالدىردىق.
