ناتو: اۋعانستان تەرروريزمنىڭ وشاعىنا اينالماۋى كەرەك

نۇر-سۇلتان.قازاقپارت - تاليبان اۋعانستاندى تەرروريزم وشاعىنا اينالدىرماۋى كەرەك.

بۇل تۋرالى ناتو- نىڭ اۋعانستان جونىندەگى كەڭەسىنىڭ بريۋسسەلدە وتكەن جوسپاردان تىس وتىرىس قورىتىندىسىنىڭ باسپا ءسوز ءماسليحاتىندا اتالعان اليانستىڭ باس حاتشىسى يەنس ستولتەنبەرگ مالىمدەدى. ول اۋعانستان ۇلتتىق اسكەرى تەز جەڭىلىسكە ۇشىرايدى دەپ كۇتپەگەنىن العا تارتادى.

ناتو كۇشتەرى كابۋلداعى اۋەجاي جۇمىسىن ءالى باقىلاۋدا ۇستايدى، سەبەبى شەتەلدىك جانە جەرگىلىكتى ارىپتەستەردى كوشىرۋ قاجەت.

يەنس ستولتەنبەرگ، ناتو باس حاتشىسى:

- اۋعانستان قارۋلى كۇشتەرىنىڭ ءبىراز بولىگى جان اياماي سوعىستى، ءبىراق ەلدىڭ قاۋىپسىزدىگىن قامتاماسىز ەتە المادى. سەبەبى اۋعانستاننىڭ ساياسي باسشىلىعى تاليبانعا قارسى شىعا المادى، بەيبىت كەلىسسوزگە قول جەتكىزە المادى. وسى ساتسىزدىكتىڭ سوڭى بۇگىنگى قاسىرەتتى جاعدايعا اكەلدى. ءوزىمىزدىڭ جانە اۋعان ارىپتەستەرىمىزدى كوشىرىپ بولدىق. تاليبان ەلدەن كەتكىسى كەلەتىندەردىڭ بارلىعىنا مۇمكىندىك بەرۋى كەرەك. اۋەجايدى، سونداي- اق جولدار مەن شەكارا بەكەتتەرىن اشۋ قاجەت.

www.24.kz