ەربول قاراشوكەيەۆ زارداپ شەككەن وڭىرلەرگە جەم-ءشوپ جىبەرگەن ەرىكتىلەرگە العىس ايتتى

«وڭىرلەر اراسىندا ازىق- تۇلىكتى بەلگىلەنگەن باعامەن ءوزارا جەتكىزۋ جانە زارداپ شەككەن شارۋاشىلىقتارعا ءشوپ شابۋ ءۇشىن 130 مىڭ گەكتارعا جۋىق شابىندىق جەر ءبولۋ تۋرالى شارتتار مەن مەموراندۋمدار جاسالدى. سونداي- اق، تابيعي رەزەرۆاتتىڭ 211 مىڭ گەكتارىندا ازىق دايىنداۋعا رۇقسات ەتىلدى. بۇل جۇمىسقا ۆولونتەرلىك ۇيىمدار دا قوسىلدى جانە ولار زارداپ شەككەن وڭىرلەرگە شامامەن 150 ۆاگون ازىق جەتكىزدى. بۇل رەسۋرستاردى جەرگىلىكتى جەرلەردە ءبولۋ قوعامدىق كەڭەستەردىڭ بەلسەنە قاتىسۋىمەن جۇرگىزىلەدى. وسى كومەكتى ۇيىمداستىرعانى ءۇشىن ەلىمىزدىڭ بارلىق ەرىكتىلەرىنە جانە بۇل ىسكە بەي- جاي قارامايتىن ازاماتتارعا ۇلكەن العىسىمدى بىلدىرگىم كەلەدى»، - دەدى ە. قاراشوكەيەۆ ۇكىمەت وتىرىسىندا.

ونىڭ ايتۋىنشا، ازىق- تۇلىك كورپوراتسياسى ارقىلى جەمدىك استىقپەن قامتاماسىز ەتۋ شارالارى قابىلدانۋدا، اتاپ ايتقاندا، زارداپ شەككەن وڭىرلەردىڭ سۋبەكتىلەرىنە نارىقتىق باعادان %17 عا تومەن باعامەن 1,2 مىڭ توننا جەمدىك ارپا ساتىلدى. قازىرگى ۋاقىتتا ازىق- تۇلىك كورپوراتسياسى مەن «بايتەرەك» ۇ ب ح» ا ق- عا 200 مىڭ توننا كولەمىندە جەمدىك استىقتىڭ قوسىمشا رەزەرۆىن قۇرۋعا 20 ميلليارد تەڭگەدەن ءبولۋ جانە فەرمەرلەرگە سۋارۋ ءارى ازىق دايىندايتىن تەحنيكانى ليزينگكە بەرۋ ماسەلەلەرى قاراستىرىلۋدا.

بۇعان قوسا، «قازاقستان تەمىرجولى» ا ق- ى تامىز ايىنىڭ سوڭىنا دەيىن ازىق تاسىمالداۋعا جەڭىلدىكتى تاريفتەردى نارىقتاعىدان %77 عا تومەن دەڭگەيدە ساقتاۋ تۋرالى شەشىم قابىلدادى. بۇدان باسقا، اعىمداعى جىلعى 23-تامىزدا ءىرى مال ازىعىن رەسپۋبليكادان اكەتۋگە ۋاقىتشا تىيىم سالۋدى ەنگىزۋ تۋرالى شەشىم كۇشىنە ەنەدى، 1-قىركۇيەكتەن باستاپ جەمدىك استىقتى ەكسپورتتاۋعا كۆوتا ەنگىزىلەدى.

«سونىمەن قاتار، جەدەل شتاب جەرگىلىكتى اتقارۋشى ورگاندارعا زارداپ شەككەن ايماقتارعا كومەك كورسەتۋ قورلارىن قۇرۋدى، سابان دايىنداۋ جانە جەمدىك استىق پەن كەبەك رەزەرۆىن قۇرۋ جۇمىستارىن ۇيىمداستىرۋدى تاپسىردى. جەكە قوسالقى شارۋاشىلىقتاردى ازىقپەن قامتاماسىز ەتۋ ماسەلەلەرىن ەرەكشە باقىلاۋعا الۋ، ءوز مۇمكىندىكتەرىمەن وزدەرىن ازىقپەن قامتاماسىز ەتە المايتىندارعا ۇيىمداسقان شارۋاشىلىقتاردى بەكىتۋ ۇسىنىلدى. قولدانىستاعى زاڭناما اياسىندا جەم- ءشوپ باعاسىن باقىلاۋدى كۇشەيتۋگە، باعانىڭ نەگىزسىز وسۋىنە جول بەرمەۋ ءۇشىن قاجەتتى شارالار قابىلداۋ قاجەتتىلىگىنە ەرەكشە نازار اۋدارىلدى. وسى شارالاردىڭ بارلىعى جاعدايدى ەداۋىر تۇراقتاندىرۋعا مۇمكىندىك بەردى»، - دەدى ەربول قاراشوكەيەۆ.

بۇدان بۇرىن حابارلانعانداي، مينيسترلىك اتالعان وڭىرلەردى قولداۋعا قانشا قاراجات بولىنگەنىن باياندادى.