اۋعانستاننىڭ بۇرىنعى پرەزيدەنتى وزبەكستانعا كەلگەن جوق

نۇر-سۇلتان.قازاقپارات -وزبەكستان اۋعانستاننىڭ بۇرىنعى پرەزيدەنتى اشراف عاني مەن وزگە دە ساياسي تۇلعالاردىڭ رەسپۋبليكا اۋماعىندا جوقتىعىن حابارلادى.

بۇل جونىندە كورشى ەلدىڭ سىرتقى ىستەر مينيسترلىگىنە قاراستى «دۋنە» اقپاراتتىق اگەنتتىگى مالىمدەدى.

«سوڭعى ۋاقىتتا ب ا ق پەن الەۋمەتتىك جەلىلەردە وزبەكستان اۋماعىندا اۋعانستاننىڭ ساياسي قايراتكەرلەرى مەن ەتنيكالىق توپ جەتەكشىلەرىنىڭ بولۋى تۋرالى حابارلامالار جاريالانۋدا. اتاپ ايتقاندا، اشراف عاني، ابدۋراشيد دۋستۋم، اتا مۇحاممەد نۇرا جانە باسقالاردىڭ ەسىمدەرى اتالادى. رەسمي مالىمەتتەرگە سايكەس، مۇنداي اقپارات شىندىققا سايكەس كەلمەيدى»، دەلىنگەن حابارلامادا.

www.24.kz