16:41, 17 - تامىز 2021 | GMT +5
تالىپتەر بۇرىنعى شەنەۋنىكتەرگە راقىمشىلىق جاريالادى
نۇر- سۇلتان. قازاقپارات - «تاليبان» راديكالدى قوزعالىسى بۇرىنعى ۇكىمەت قۇرامىندا جۇمىس ىستەگەن شەنەۋنىكتەرگە راقىمشىلىق جاريالاپ، مەملەكەتتىك مەكەمەلەردىڭ قىزمەتىن قايتا قالپىنا كەلتىرۋگە شاقىردى، دەپ حابارلايدى «حابار 24».
بۇل تۋرالى تالىپتەردىڭ مالىمەتىنە سىلتەمە جاساپ «فرانس پرەسس» اگەنتتىگى حابارلادى. قۇجاتتا «بۇرىنعى ۇكىمەت قىزمەتكەرلەرى ەش الاڭسىز قالىپتى ومىرگە ورالۋىنا بولادى» دەلىنگەن.
ايتا كەتەيىك، تالىپتەر بۇعان دەيىن بۇرىنعى بيلىك وكىلدەرى مەن كۇشتىك قۇرىلىم وكىلدەرىنە كەك قايتارمايتىنىن حابارلاعان. جانە ايەلدەرگە جۇمىس ىستەۋ مەن ءبىلىم الۋعا قۇقىق بەرىلەتىنىن جاريالادى.
