وزبەكستاننىڭ باس پروكۋراتۋراسى اۋعانستاندا ۇشاقتىڭ قۇلاۋىنا قاتىستى مالىمدەمەسىن قايتارىپ الدى
تاشكەنت. قازاقپارات - وزبەكستان رەسپۋبليكاسىنىڭ باس پروكۋراتۋراسى وزبەكستان اۋماعىندا قۇلاعان اۋعانستاننىڭ اسكەري اۋە كۇشتەرى ۇشاعىنىڭ قۇلاۋ سەبەپتەرى تۋرالى رەسمي حابارلاماسىن كەنەتتەن قايتارىپ الدى، دەپ حابارلايدى قازاقپاراتتىڭ مەنشىكتى ءتىلشىسى.
«باس پروكۋراتۋرانىڭ ۆەدومستۆونىڭ Telegram-كانالىنداعى بۇرىنعى مالىمدەمەسى اياعىنا دەيىن ناقتىلانباعان ەدى، ول جاۋاپتى ۆەدومستۆولاردىڭ تەكسەرىلگەن دەرەكتەرىنە نەگىزدەلمەگەن بولاتىن»، - دەلىنگەن وزبەكستاننىڭ باس پروكۋراتۋراسىنىڭ جاڭا مالىمدەمەسىندە.
سونىمەن قاتار باس پروكۋراتۋرا جىبەرىلگەن قاتەلىك ءۇشىن كەشىرىم سۇرادى.
ەسكە سالا كەتەيىك، كەشە وزبەكستاننىڭ باس پروكۋراتۋراسى اۋعانستاننىڭ اسكەري اۋە كۇشتەرى ۇشاعىنىڭ قۇلاۋ سەبەپتەرى تۋرالى ايتقان بولاتىن. سونىمەن قاتار وزبەكستان اۋماعىنا اۋعانستان يسلام رەسپۋبليكاسىنىڭ 46 اسكەري اۋە كەمەسىنىڭ ءماجبۇرلى تۇردە قونعانى تۋرالى حابارلاعان.
