الماتى «اقىلدى» قالالار رەيتينگىسىندە ەكىنشى ورىن الدى

الماتى. قازاقپارات- الماتى ت م د «اقىلدى» قالالارىنىڭ اراسىندا ەكىنشى ورىندى يەلەندى. بۇل تۋرالى ونلاين بريفينگ بارىسىندا قالانىڭ سيفرلاندىرۋ باسقارماسىنىڭ باسشىسى بايان قوڭىربايەۆ ايتتى، دەپ حابارلايدى قازاقپارات ءتىلشىسى.

ونىڭ ايتۋىنشا، الماتى ت م د مەن شىعىس ەۋروپا اۋماعىنداعى قالالاردىڭ كوشباسشى توبىنا كىرەدى. «الماتى - 2050» باعدارلاماسى مەن «سيفرلىق قازاقستان» باعدارلاماسى باسقارۋدىڭ ستراتەگيالىق ماقساتتارىنا سايكەس بولۋ ءتيىس.

«2021 -جىلدىڭ قورىتىندىسى بويىنشا ءبىز 2017 -جىلدان باستاپ حالىقارالىق دەرەكتەر كورپوراتسياسىنىڭ تسيفرلىق جەتىلۋ رەيتينگىسىندە الماتى قالاسىنىڭ 2,7 بالل پوزيتسياسىن العانىن كورەمىز. بۇل ءبىز سوڭعى ەكى جىلدا قولجەتكىزگەن وتە ۇلكەن كورسەتكىش. بۇل ماڭىزدى وقيعا. تۇسىنىكتى بولۋ ءۇشىن، 2019 -جىلى ءبىز 10-ورىندى يەلەندىك، ال ت م د- نىڭ اقىلدى قالالارى اراسىنداعى سوڭعى ناتيجەلەر بويىنشا ءبىز 2-ورىندا تۇرمىز. ياعني، ءبىز كييەۆتەن وزىپ، ماسكەۋدەن كەيىنگى ورىندامىز»، - دەدى بايان قوڭىربايەۆ.

سيفرلىق جەتىلۋ - قالانىڭ ءوز دامۋىندا سيفرلىق شەشىمدەردى ەنگىزۋگە دايىندىعىنىڭ نەگىزگى كورسەتكىشى ەكەنىن اتاپ وتكەن ءجون. سپيكەردىڭ ايتۋىنشا، سيفرلىق ترانسفورماتسيا - بۇل جاھاندىق ماقسات جانە سيفرلىق جەتىلۋ، ونىڭ نەگىزگى بەلگىلەرىنىڭ ءبىرى رەتىندە، بارلىق سالالاردا بارلىق دەڭگەيدە قول جەتكىزىلۋى ءتيىس. بۇل جاعدايدا سيفرلىق ترانسفورماتسيا پروتسەسىن ءساتتى دەپ اتاۋعا بولادى.

«ءبىز قالانى سيفرلاندىرۋعا عانا ەمەس، تۇرعىندارىمىزعا قولايلى جاعداي جاساۋعا، تالانتتاردىڭ دامۋىنا جاعداي جاساۋعا جانە ومىرلىك بەلسەندىلىگىمىزگە جاڭا تەحنولوگيالاردى تارتۋعا ۇمتىلا باستادىق»، - دەپ اتاپ ءوتتى باسقارما باسشىسى.

ءباسپاسوز كونفەرەنسياسى بارىسىندا سيفرلاندىرۋ باسقارماسىنىڭ باسشىسى ءار ۇكىمەتتىك ۆەدومستۆو دەڭگەيىندە ساراپتامالىق كەڭەس قۇرۋ تۋرالى ايتتى.

«بۇل نەگىزگى ءتورت باعىت: ينفراقۇرىلىمدىق جوبالار، قالالىق باستامالار، مەملەكەتتىك قىزمەتتەردى باعالاۋ، سونداي- اق الماتى قالاسىنىڭ اكىمى باقىتجان ساعىنتايەۆتىڭ باستاماسىمەن قۇرىلعان ا ت- كەڭەس»، - دەپ اتاپ ءوتتى ول.

الماتىنى سيفرلاندىرۋدىڭ نەگىزگى جەتىستىكتەرىنە توقتالعان سپيكەر مەگاپوليستىڭ بەس جەتىستىگىن اتادى.

«بۇل تىزىمدە ءبىرىڭعاي دەرەكتەر بازاسى، ءبىرىڭعاي كوممۋنيكاتسيالىق كەڭىستىك، شالعاي اۋدانداردا ا ك ت- نى ينفراقۇرىلىمدىق دامىتۋ، قالا اۋداندارىن ەكونوميكالىق كلاستەرلەۋ جانە Smart City Accelerator بار»، - دەدى سپيكەر.

بايان قوڭىربايەۆ ءبىرىڭعاي دەرەكتەر بازاسىنىڭ جوباسى تۋرالى ايتتى. ونىڭ كومەگىمەن مەملەكەتتىك ورگاندار، كوممەرتسيالىق ۇيىمدار مەن اكادەميالىق ينستيتۋتتار دەپەرسونالدىرىلعان دەرەكتەرمەن الماسا الادى. سيفرلاندىرۋ باسقارماسىنىڭ باسشىسى ءبىرىڭعاي دەرەكتەر بازاسىن ازىرلەگەن كەزدە ۇلتتىق جانە جەرگىلىكتى دەڭگەيدە مەملەكەتتىك ورگانداردىڭ دەرەكتەرمەن الماسا الاتىن سينگاپۋر تاجىريبەسىن قولدانعاندارىن ايتتى.

«ءبىز پلاتفورمانى ىسكە قوستىق جانە ول ءوزىن جاقسى كورسەتتى. «الماتى سۋ»، جىلۋ جەلىلەرى مەن باسقا دا كوممۋنالدىق قىزمەتتەر ءبىرىڭعاي ستاندارت بويىنشا مالىمەتتەر بازاسىنىڭ فورماتىن جۇرگىزە باستادى. بۇل شىن مانىندە ۇلكەن جەتىستىك»، - دەپ اتاپ ءوتتى بايان قوڭىربايەۆ.

2021 -جىلدىڭ سوڭىنا قاراي سيفرلاندىرۋ باسقارماسى ءبىلىم، دەنساۋلىق ساقتاۋ جانە الەۋمەتتىك قورعاۋعا قاتىستى دەرەكتەردى جيناۋدى جوسپارلاپ وتىر. بۇل مەملەكەتتىك ورگاندارعا جالپى فورماتتا قانداي ماسەلەنى باستى نازاردا ۇستاۋعا بولاتىنىن كورسەتەدى.