قوستاناي وبلىسىندا جالعان مونيتورينگ توپتارى پايدا بولدى

قوستاناي. قازاقپارات - جالعان مونيتورينگ توپتارى نىسانداردى ارالاپ، كاسىپكەرلەردى قورقىتىپ جاتىر.

ولار كاسىپكەرلەردەن زاڭ بۇزۋشىلىقتارعا كوزىن جۇمعانى ءۇشىن سىياقى تالاپ ەتۋدە، دەپ حابارلايدى قازاقپارات ءتىلشىسى وڭىرلىك كاسىپكەرلەر پالاتاسىنىڭ باسپا ءسوز قىزمەتىنە سىلتەمە جاساپ.

مۇنداي جاعدايلار تۋرالى بيزنەسمەندەر الەۋمەتتىك جەلىلەرگە جازىپ، قوستاناي وبلىسىنىڭ كاسىپكەرلەر پالاتاسىنا حابارلاعان.

«بارلىق رەيدتەردىڭ مىندەتتى تۇردە infokazakhstan.kz سايتىنا تىركەلىپ، وندا الدىن الا مونيتورينگ توبىنىڭ قۇرامى مەن تەكسەرىس جوسپارلانعان نىسان تۋرالى جازىلاتىنىن تاعى دا ەسكە سالامىز. تەكسەرىستىڭ زاڭدى- زاڭسىز ەكەنىن كاسىپكەر ءوز بەتىنشە تەكسەرە الادى. ول ءۇشىن اكتىدە كورسەتىلگەن QR كودتى سكانەرلەۋ كەرەك»، - دەدى قوستاناي وبلىسى كاسىپكەرلەر پالاتاسىنىڭ ءبولىم باستىعى روبەرت يۋسۋپوۆ.

ەسكە سالا كەتەيىك، بۇل تالاپتار مونيتورينگ توپتارىنىڭ الگوريتمىندە 1-شىلدەدەن باستاپ پايدا بولدى. ەندى ءار توپتىڭ جۇمىسىن infokazakhstan.kz پلاتفورماسى ارقىلى باقىلاۋعا بولادى. وندا جوسپارلانعان تەكسەرىستەر مەن ولاردىڭ ناتيجەلەرى تۋرالى مالىمەتتەر جازىلىپ وتىرادى. ولاردىڭ نەگىزىندە وڭىرلەر بويىنشا كۇندەلىكتى ستاتيستيكا مەن انىقتالعان زاڭ بۇزۋشىلىق تۇرلەرىنىڭ ەركىن كەستەسى قۇرىلىپ وتىرادى.

ودان بولەك، تەكسەرۋشىلەردىڭ جۇمىسىنا قوستاناي وبلىسى كاسىپكەرلەرىنىڭ قۇقىعىن قورعاۋ جونىندەگى ءموبيلدى توپقا مىنا نومىرلەر بويىنشا شاعىمدانۋعا بولادى: 87051539107، 8777580-039987142-394208، 77142542953، 77758299579، 77752655551.