بەرىك ءۋالي: پرەزيدەنت اۋعانستان بوسقىندارى تۋرالى شەشىم قابىلداعان جوق
«پرەزيدەنت اۋعانستان بوسقىندارى تۋرالى شەشىم قابىلداعان جوق. بۇعان قاتىستى تاراعان اقپارات نەگىزسىز. دۇنيەجۇزىلىك ۇيىم باسشىلىعى رەسمي ءوتىنىش بىلدىرگەن جاعدايدا ب ۇ ۇ قىزمەتكەرلەرىنە عانا كومەك كورسەتىلەتىن بولادى»، دەلىنگەن حابارلامادا.
ەسكە سالا كەتسەك، WhatsApp مەسسەندجەرىندە قازاقستانعا اۋعانستاننىڭ 70000 ازاماتى كەلەدى دەگەن قاۋەسەت تارادى. ق ر س ءى م بۇل اقپاراتتى جوققا شىعاردى.
ايتا كەتەرلىگى، مەملەكەت باسشىسى قاسىم- جومارت توقايەۆ پرەزيدەنت اكىمشىلىگى مەن سىرتقى ىستەر مينيسترلىگىنە اۋعانستانعا قاتىستى ماسەلەلەر بويىنشا مەملەكەتتىك ورگانداردىڭ قىزمەتىن ۇيلەستىرۋ تاپسىردى.
«پرەزيدەنت اكىمشىلىگى مەن سىرتقى ىستەر مينيسترلىگىنە اۋعانستانعا قاتىستى ماسەلەلەر بويىنشا مەملەكەتتىك ورگانداردىڭ قىزمەتىن ۇيلەستىرۋ تاپسىرىلدى. كابۋلداعى قازاقستان ەلشىلىگى شاعىن قۇرامدا جۇمىس ىستەۋدە. قىزمەتكەرلەردىڭ قاۋىپسىزدىگىن قامتاماسىز ەتۋ شارالارى قابىلدانىپ جاتىر»، - دەپ جازدى ق ر پرەزيدەنتى Twitter- دەگى پاراقشاسىندا.
