اۋعانستاندا «تاليبان» قوزعالىسىنىڭ وكىلدەرى كابۋلعا باسىپ كىردى
نۇر- سۇلتان. قازاقپارات - «تاليبان» قوزعالىسىنىڭ (قازاقستان اۋماعىندا تىيىم سالىنعان - اۆت. ) وكىلدەرى اۋعانستان استاناسى كابۋلعا باسىپ كىردى، دەپ حابارلايدى Reuters.
بۇل تۋرالى اگەنتتىككە ەلدىڭ ىشكى ىستەر ءمينيسترىنىڭ وكىلى ايتقان.
ەسكە سالساق، بۇعان دەيىن مەملەكت باسشىسى قاسىم- جومارت توقايەۆ اۋعانستانداعى جاعداي بويىنشا كۇشتىك قۇرىلىمداردىڭ باسشىلارىمەن جيىن وتكىزگەنى تۋرالى حابارلاندى.
«تاليبان» قوزعالىسىنىڭ سودىرلارى اۋعانستاننىڭ ماڭىزدى ءارى ءىرى قالالارىن باسىپ الدى. حالىقارالىق ۇيىمدار دابىل قاعىپ اۋعانستاندا سوڭعى 72 ساعاتتا ونداعان بالا قازا تاپقانىن جاريالادى. سونداي- اق، ق ر ديپلوماتيالىق ميسسياسى كابۋلدا شەكتەۋلى قۇرامدا جۇمىسىن جالعاستىرۋدا.
