شەتەلدىك ازاماتتار ءۇشىن ەمحاناعا تىركەلۋ ەرەجەلەرى وزگەردى

بيىل شەتەلدىك ازاماتتار مەن ەڭبەك ميگرانتتارى ءۇشىن ەمحاناعا تىركەلۋ ەرەجەلەرى وزگەردى - ولاردا مەديتسينالىق ساقتاندىرۋ شارتى بولۋى ءتيىس. جاڭا ەرەجەلەر وسى جىلدىڭ 15- تامىزىنان باستاپ كۇشىنە ەنەدى.

«نۇر- سۇلتان قالاسى بويىنشا مەديتسينالىق ساقتاندىرۋ قورىنىڭ مەديتسينالىق قىزمەت جەتكىزۋشىلەرىنىڭ اراسىندا 36 ۇيىم العاشقى مەديتسينالىق- سانيتاريالىق كومەك كورسەتەدى. ولاردىڭ 18- ءى - مەملەكەتتىك، قالعانى - جەكەمەنشىك كلينيكالار»، - دەلىنگەن «الەۋمەتتىك مەديتسينالىق ساقتاندىرۋ قورى» ك ەا ق نۇر- سۇلتان قالاسى بويىنشا فيليالىنىڭ باسپا ءسوز قىزمەتى مالىمەتىندە.

مەديتسينالىق- سانيتاريالىق العاشقى كومەك كورسەتەتىن مەديتسينالىق ۇيىمدارعا تىركەلۋ تارتىبىنە وزگەرىستەر ەنگىزىلدى. ولار تەك شەتەلدىك ازاماتتار مەن ەڭبەك ميگرانتتارىنا قاتىستى. جاڭا قاعيدالارعا سايكەس، ەلدىڭ اۋماعىندا ۋاقىتشا بولاتىن نەمەسە باسپانا ىزدەپ جۇرگەن ازاماتتىعى جوق شەتەلدىك ادامداردى ەمحاناعا تىركەۋ ەرىكتى مەديتسينالىق ساقتاندىرۋ (ە م س) شارتىنىڭ نەگىزىندە جانە ونىڭ قولدانىلۋ مەرزىمى ارالىعىندا عانا جۇزەگە اسىرىلادى. قولدانىلۋ مەرزىمى اياقتالعاننان كەيىن ولار مەديتسينالىق ۇيىمنان اۆتوماتتى تۇردە شىعارىلادى.

ەاەو- عا مۇشە مەملەكەتتەردەن كەلگەن ەڭبەك ميگرانتتارىنىڭ مىندەتتى تۇردە م س ا ك قىزمەتتەرىنە ەرىكتى مەديتسينالىق ساقتاندىرۋى بولۋى قاجەت. ەمحاناعا تىركەۋگە ءوتىنىش ەركىن نىساندا قازاق نەمەسە ورىس تىلىندە، جەكە باسىن كۋالاندىراتىن قۇجاتتى نەمەسە شەتەلدىك ءتولقۇجاتتى قوسا بەرە وتىرىپ، ۇسىنىلادى. ءوتىنىش بەرۋشى مەديتسينالىق ۇيىمعا جەكە ءوتىنىش بەرۋى كەرەك نەمەسە ول ءۇشىن ەرىكتى مەديتسينالىق ساقتاندىرۋ شارتىن جاساسقان ساقتاندىرۋ ۇيىمىنىڭ وكىلدەرى مۇنى جاساۋى كەرەك.

مەديتسينالىق ۇيىمدارعا - الەۋمەتتىك مەديتسينالىق ساقتاندىرۋ قورىنىڭ جەتكىزۋشىلەرىنە جانە دەنساۋلىق ساقتاۋ مينيسترلىگىنىڭ اقپاراتتىق جۇيەلەرىمەن ينتەگراتسيالانعان مەديتسينالىق اقپاراتتىق جۇيەلەرى بار مەديتسينالىق ۇيىمدارعا تىركەلۋگە بولادى. قازاقستان اۋماعىنا ۋاقىتشا كەلگەن شەتەلدىكتەر مەن ولاردىڭ وتباسى مۇشەلەرى م ءا م س جۇيەسىندە قازاقستاندىق ازاماتتارمەن بىردەي قۇقىقتاردى پايدالانادى جانە مىندەتتەر اتقاراتىندىعىن (ق ر «مىندەتتى الەۋمەتتىك مەديتسينالىق ساقتاندىرۋ تۋرالى» زاڭىنىڭ 3- بابىنىڭ 2- تارماعى) اتاپ ءوتۋ ماڭىزدى. ق ر ازاماتتارى، قانداستار جانە ق ر اۋماعىندا تۇراقتى تۇراتىن شەتەلدىكتەر ءۇشىن بەكىتۋ ءتارتىبى وزگەرىسسىز قالادى.

قالاي بەكىتىلۋ كەرەك؟

ءبىرىنشى ءادىس (بارلىعى ءۇشىن) . ەلەكتروندىق ۇكىمەتتىڭ ۆەب- پورتالى ارقىلى بەكىتۋ www.egov.kz. «دەنساۋلىق ساقتاۋ» بولىمىندە «مەديتسينالىق- سانيتاريالىق العاشقى كومەك كورسەتەتىن مەديتسينالىق ۇيىمعا تىركەلۋ» قىزمەتىن تاڭداۋ قاجەت. جولاقتاردى تولتىرۋ ارقىلى مەديتسينالىق ۇيىمعا ءوتىنىش بەرۋ كەرەك.

پاتسيەنت تۋرالى مالىمەتتەردى ەمحانا مەملەكەتتىك اقپاراتتىق جۇيەلەردەن اۆتوماتتى تۇردە الادى. جاۋاپ وڭ بولعان جاعدايدا ازاماتقا مەديتسينالىق ۇيىمنىڭ ە س ق- سى قويىلعان ەلەكتروندىق قۇجات تۇرىندە بەكىتىلگەنى تۋرالى حابارلاما بەرىلەدى.

ەكىنشى ءادىس (حالىقتىڭ جەكەلەگەن ساناتتارى ءۇشىن). بەكىتۋ ەمحاناعا ەركىن نىسانداعى وتىنىشپەن جانە جەكە باسىن كۋالاندىراتىن قۇجاتپەن تىكەلەي جۇگىنگەن كەزدە جۇرگىزىلەدى. بۇل ءادىس زاڭ بويىنشا زەينەتكەرلەرگە، مۇگەدەكتەرگە، قامقورشىلارعا، پاترونات تاربيەشىلەرگە، كولونيالاردا جازاسىن وتەپ جاتقان سوتتالعاندارعا، ستۋدەنتتەرگە، مەرزىمدى اسكەري قىزمەتشىلەرگە، شەت مەملەكەتتەردە تۋىلعان بالالارعا جانە سەنىمحات بويىنشا تىركەۋدى جۇزەگە اسىراتىن ادامدارعا عانا قول جەتىمدى.

قاشان بەكىتىلۋ كەرەك؟

قازاقستاندا جىل سايىن 15- قىركۇيەكتەن 15- قاراشاعا دەيىن م س ا ك مەديتسينالىق ۇيىمدارىنا حالىقتى ەركىن تىركەۋ ناۋقانى جۇرگىزىلەدى. مەديتسينالىق كومەككە قول جەتكىزبەي قالماۋ ءۇشىن تىركەلۋدىڭ مارتەبەسىن تىكەلەي تۇرعىلىقتى جەرى بويىنشا ەمحانادا نەمەسە ەلەكتروندىق ۇكىمەت ۆەب- پورتالىندا ە س ق ارقىلى تەكسەرۋ ۇسىنىلادى. تىركەۋ نەمەسە قايتا بەكىتۋ كەزىندە ەمحانانى تۇرعىلىقتى جەرىنە جاقىن جەردەن تاڭداۋ ۇسىنىلادى، قاجەت بولعان جاعدايدا ۋچاسكەلىك دارىگەر ناۋقاسقا ۇيگە بارا الادى. بۇل اسىرەسە پاندەميا كەزىندە وتە ماڭىزدى.

«ناۋقان كەزىندە م س ا ك ۇيىمىنا بەكىتىلە وتىرىپ، ازاماتتار مەديتسينالىق كومەكتى 2022 -جىلدىڭ 1- قاڭتارىنان باستاپ الا باستايدى. ياعني، وسى جىلدىڭ 31 - جەلتوقسانىنا دەيىن ازاماتتارعا بۇرىن تىركەلگەن ەمحانادا قىزمەت كورسەتىلەدى»، - دەپ ءتۇسىندىردى الەۋمەتتىك مەديتسينالىق ساقتاندىرۋ قورى.

تىركەۋ ناۋقانى دەنساۋلىق ساقتاۋ سۋبەكتىلەرىنىڭ دەرەكقورىندا تىركەلگەن جانە ت م ك ك ك جانە م ءا م س بويىنشا مەديتسينالىق قىزمەتتەر كورسەتۋگە ۇمىتكەر مەديتسينالىق ۇيىمدار اراسىندا عانا جۇرگىزىلەدى.

تىركەلۋگە قولجەتىمدى ەمحانالاردىڭ تىزىمىمەن قوردىڭ www.fms.kz سايتىندا «ەمحانانى تاڭداۋ» بولىمىندە تانىسۋعا بولادى.

اۆتور: رۋسلان عابباسوۆ