توكيوداعى وليمپياداعا قازاقستان دەلەگاتسياسىنىڭ قۇرامىندا كىمدەر باردى

نۇر-سۇلتان. قازاقپارات – ق ر ۇ و ك باس حاتشىسى اندرەي كريۋكوۆ توكيو وليمپياداسىنا بارعان قازاقستان دەلەگاتسياسىنىڭ قۇرامىن جاريا ەتتى، دەپ حابارلايدى قازاقپارات ءتىلشىسى.

«توكيوعا ادەتتەگىدەن 100 ادام كەم باردى. حالىقارالىق وليمپيادا كوميتەتەتى مەن توكيو ۇيىمداستىرۋ كوميتەتى تاراپىنان بولعان ەلەۋلى قىسقارتۋ سالدارىنان ادام سانى از بولدى. دەلەگاتسياعا وپەراتسيالىق قىزمەتتى اتقاراتىن ماماندار، سپورتشىلار مەن باپكەرلەر ەندى. جالپى، قازاقستان دەلەگاتسياسى 196 ادام، ونىڭ ىشىندە سپورتشىلار مەن باپكەرلەر 157 ادام، 20 سى كەشەندى ءارى عىلىمي توپتاردىڭ مامانى، شتابتا 9 ادام، سونداي-اق 4 مامان بار. ولار انتيكوۆيدتىك جۇمىستار مەن دوپينگكە قارسى قاداعالاۋمەن اينالىستى»، - دەدى اندرەي كريۋكوۆ ورتالىق كوممۋنيكاتسيالار قىزمەتىندە.

بۇدان بۇرىن حابارلانعانداي، ق ر ۇ و ك باس حاتشىسى بيىل قىركۇيەكتىڭ سوڭىنا قاراي وليمپياداداعى ناتيجە بويىنشا سوڭعى قورىتىندى جاسالاتىنىن ايتتى.

«وسىدان كەيىن قاتەلىكتەردى تۇزەتۋ مەن كەلەسى وليمپيادالىق تسيكلگە دايىندىق جۇمىستارى باستالادى»، - دەدى ا. كريۋكوۆ.