16:42, 13 - تامىز 2021 | GMT +5
الماتىدا قانت ءبىر ادامعا بەس كەلىدەن ارتىق ساتىلمايدى
الماتى. قازاقپارات - الماتىدا قانت ءبىر ادامعا 5 كەلىدەن ارتىق ساتىلامايدى. اكىمدىك جاعدايعا قاتىستى تۇسىنىك بەردى، دەپ حابارلايدى قازاقپارات ءتىلشىسى.
الماتى قالاسى كاسىپكەرلىك جانە ينۆەستيتسيالار باسقارماسى قانت ساتۋدىڭ بەلگىلەنگەن شەكتەۋىنە قاتىستى جاعدايدى ءتۇسىندىردى. الەۋمەتتىك ماڭىزى بار ازىق- تۇلىك تاۋارلارىن جەتكىزۋ تۋرالى كەلىسىم Magnum, Small جانە Toimart سياقتى ساۋدا جەلىلەرىمەن جاسالدى.
«جوعارىدا اتالعان دۇكەندەر جەلىسىندە ءبىر ادامعا بەس كەلى قانت قانا ساتىلادى. مۇنداي شارا الىپ- ساتارلاردىڭ الدىن الۋ ءۇشىن قابىلداندى. بازار جانە وزگە دە ساۋدا نۇكتەلەرىمەن سالىستىرعاندا مۇندا قانت باعاسى % 10-15 تومەن»، - دەپ حابارلادى اكىمدىكتەن.
باسقارماداعىلار قانت ساتىپ الۋعا قويىلعان شەكتەۋلەر تاپشىلىقپەن بايلانىستى ەمەس ەكەنىن اتاپ ءوتتى.
اۆتور: الما مۇقانوۆا
