كوروناۆيرۋسپەن ۇزاق ۋاقىت اۋىرۋ جاعدايلارى: د د س ۇ ماسەلەنى زەرتتەۋگە كىرىستى
زەرتتەۋ ماقساتى - وسىنداي ناۋقاستاردى تەكسەرۋ جانە ەمدەۋ ءۇشىن ۇسىنىمدار ازىرلەۋ، دەپ حابارلايدى قازاقپارات ب ۇ ۇ جاڭالىقتارى سايتىنا سىلتەمە جاساپ.
دۇنيەجۇزىلىك دەنساۋلىق ساقتاۋ ۇيىمى ساراپشىلارىنىڭ ايتۋىنشا، ينفەكتسيادان «جازىلعانداردىڭ» باسىم بولىگى ايلار بويى السىزدىك، تىنىس الۋدا پروبلەمالار سەزىنىپ، نيەۆرولوگيالىق بەلگىلەر پايدا بولادى. د د س ۇ كوروناۆيرۋستىڭ ۇزاق ۋاقىتقا سوزىلعان بەلگىلەرىن «پوستكوۆيدتىك جاعداي» دەپ اتاۋدى ۇسىندى.
ءبىرىنشى قادام جاسالدى - ەندى قالىڭ جۇرتشىلىق اۋرۋعا شالدىعىپ جازىلعانداردىڭ جاعدايى ەرەكەلەۋ نە «قاراپايىم كوڭىلسىزدىك» ەمەس، اۋرۋدىڭ سالدارى ەكەنىن ءبىلدى. دەگەنمەن، عىلىمي ورتانىڭ وسىنداي پاتسيەنتتەردى ەمدەۋ جانە ولاردىڭ جاعدايىن باعالاۋدىڭ ستاندارتتالعان قادامدارىن ازىرلەۋگە ءبىلىمى جەتپەي وتىر. دۇرىس شەشىمدەر قابىلداۋعا كومەكتەسەتىن عىلىمي بازانى كەڭەيتۋگە د د س ۇ- نىڭ عالىمدار توبى، رەسپيراتورلىق جانە ينفەكتسيالىق اۋرۋلارمەن اينالىساتىن ءبىرقاتار ارنايى حالىقارالىق مەديتسينالىق ۇيىم كىرىسەدى.
عالىمدار زەرتتەۋدىڭ ءبىرىنشى فازاسىندا پوستكوۆيدتىك پاتسيەنتتەردىڭ جاعدايىن باعالاۋ كريتەريلەرىن، ال ەكىنشىسىندە - بۇل بەلگىلەردى قالاي تانۋعا بولاتىنىن انىقتايدى.
