الماتىدا اۆتوبۋس جولاۋشىلارى كۇيىپ قالدى

نۇر- سۇلتان. قازاقپارات - الماتى قالاسىندا جولاۋشىلار اۆتوبۋسىنىڭ انتيفريز قۇبىرى جارىلىپ، ىشتەگى جولاۋشىلارعا شاشىراعان، دەپ حابارلايدى قازاقپارات ءتىلشىسى.

الماتى قالالىق قوعامدىق دەنساۋلىق باسقارماسى الەۋمەتتىك جەلىدە تاراعان ۆيدەونىڭ شىنىمەن دە اتالمىش قالادا بولعانىن راستادى.

«ءبىر ناۋقاس № 4 قالالىق كلينيكالىق اۋرۋحاناعا جاتقىزىلدى. زارداپ شەگۋشىنىڭ دەنەسىنىڭ 3 پايىزىن كۇيىك شالعان. وعان دارىگەرلەر تاراپىنان العاشقى كومەك كورسەتىلىپ، ۇسىنىستار بەرىلدى. ءارى قاراي ونىڭ جاعدايىن تۇرعىلىقتى جەرى بويىنشا ءتيىستى ەمحانا باقىلايدى. ەكىنشى ناۋقاس اۋرۋحاناعا جاتۋدان باس تارتتى»، - دەپ ءمالىم ەتتى باسقارماداعىلار.

اقاۋ شىققان اۆتوبۋس «الماتىەلەكتروترانس» تاسىمالداۋشى كومپانياسىنە تيەسىلى بولىپ شىقتى.

«كەشە، تاڭعى ساعات 10.00-دە №201 مارشرۋتتاعى اۆتوبۋستىڭ قوزعالتقىشى قىزىپ، بايلانىستى سالقىنداتقىش جۇيە بۇزىلدى. قازىر اتالعان فاكتى بويىنشا قىزمەتتىك تەرگەۋ ءجۇرىپ جاتىر. اۆتوبۋس سەرۆيستىك قىزمەتكە كوشىرىلدى»، - دەپ جازىلعان كومپانيانىڭ تۇسىندىمەسىندە