قانداستار مەن مەمورگان وكىلدەرىنىڭ ونلاين كەزدەسۋىندە وزەكتى ماسەلەلەر قوزعالدى
قانداستاردىڭ سۇراقتارىنا ق ر ا ق د م ەتنوسارالىق قاتىناستاردى دامىتۋ كوميتەتى، ق ر ءى ءى م كوشى- قون قىزمەتى كوميتەتى، ق ر ە ح ا ق م ەڭبەك، الەۋمەتتىك قورعاۋ جانە كوشى- قون كوميتەتى، ق ر ا ش م جەر رەسۋرستارىن باسقارۋ كوميتەتى، ق ر س ءى م كونسۋلدىق قىزمەت دەپارتامەنتى جانە «وتانداستار قورى» ك ە ا ق باسشىلىعىنىڭ وكىلدەرى جاۋاپ بەردى.
كەزدەسۋ بارىسىندا كوشى- قون پروتسەسى كەزىندە قۇجاتتاردى راسىمدەۋ، كارانتيندىك شەكتەۋلەر كەزەڭىندە ولاردىڭ شەتەلدەن قازاقستانعا كەلۋ ءتارتىبى، ۆيزا الۋ ءۇشىن شاقىرۋعا قويىلاتىن تالاپتار، قازاقستانعا قونىس اۋدارعىسى كەلەتىن ەتنيكالىق قازاقتاردىڭ ۇلتىن ايقىنداۋ ءتارتىبى جانە ت. ب. سياقتى وزەكتى ماسەلەلەر تالقىلاندى.
سونىمەن قاتار، كەزدەسۋگە قاتىسۋشىلار شەتەلدەن قونىس اۋدارعان ەتنيكالىق قازاقتاردىڭ ەڭبەك ءوتىلىن ەسەپكە الۋ، جەكە شارۋاشىلىق جۇرگىزۋ ماقساتىندا اۋىل شارۋاشىلىعى جەرلەرىن جانە جايىلىمدىق جەرلەردى ۇزاق مەرزىمگە جالعا الۋ جايىن كوتەردى. قانداستار مەملەكەتتىك ورگانداردىڭ وكىلدەرىنەن وزدەرىن قىزىقتىرعان بارلىق سۇراقتارعا جاۋاپ الدى.
