مىڭداعان ادامعا ۆاكسينا ورنىنا تۇزدى ەرىتىندى سالعان مەدبيكە ۇستالدى
بۇل تۋرالى Merkur باسىلىمى جازدى، - دەپ حابارلايدى Tengrinews.kz ءتىلشىسى.
قىزىل كرەستتىڭ بۇرىنعى قىزمەتكەرى پوليتسەيلەردىڭ نازارىن كوكتەمدە اۋدارعان، ءبىراق ول كەزدە باسپا سوزدە ايەل التى قۇتى Pfizer/BioNTech ۆاكسيناسىن ابايسىزدا شاعىپ الىپ، جازادان قورىققانىنان ولاردى تۇزدى ەرىتىندىگە الماستىرعانى تۋرالى حابارلاندى.
ەندى تەرگەۋشىلەر ايەلدىڭ ارەكەتى كەزدەيسوق ەكەنىنە سەنىپ وتىرعان جوق، سەبەبى جالعان «ۆاكسينا» العانداردىڭ سانى كوپ. تۇزدى ەرىتىندىنى 8557 ادامعا دەيىن الۋى مۇمكىن دەگەن كۇدىك بار. ايەل ولارعا ۆاكسيناتسيا ءۇشىن شپريتس دايىنداعان.
كەيىن مەدبيكە الەۋمەتتىك جەلىلەردە COVID-19 تۋرالى سىني ويىن ايتقانى انىقتالدى.
گەرمانيانىڭ سولتۇستىگىندەگى ايماق بيلىگى زارداپ شەككەن بارلىق تۇرعىنعا كوروناۆيرۋسقا قارسى تاعى ءبىر ۆاكسينا سالدىرۋعا شاقىرىپ، حات جولدادى.
