نۇر-سۇلتاندا ەر ادام بەسىنشى قاباتتان قۇلادى

نۇر-سۇلتان. قازاقپارات - نۇر-سۇلتاندا سول جاعالاۋدا ەر ادام بەسىنشى قاباتتان قۇلاپ، اۋرۋحاناعا جەتكىزىلدى، دەپ حابارلايدى قازاقپارات.

«11-تامىز كۇنى ساعات 18.28-دە پوليتسيانىڭ 102 نومىرىنە ءتۇرلى جاراقاتى بار ەر ادامنىڭ اۋرۋحاناعا جەتكىزىلگەنى تۋرالى اقپارات كەلىپ ءتۇستى. پوليتسيا قىزمەتكەرلەرى وقيعانىڭ دوستىق كوشەسىندە بولعانىن، وندا 34 جاستاعى ەر ادامنىڭ 5-قاباتتىڭ تەرەزەسىنەن قۇلاپ كەتكەنىن انىقتاعان. وقيعا كەزىندە ەر ادام ۇيدە جالعىز بولعان»، - دەپ حابارلادى نۇر-سۇلتان قالاسىنىڭ پوليتسيا دەپارتامەنتى.

دەپارتامەنتتىڭ حابارلاۋىنشا، اتالعان فاكتى بويىنشا قىلمىستىق ءىس قوزعالدى. قازىرگى ۋاقىتتا تەرگەۋ امالدارى جۇرگىزىلىپ جاتىر.

اۆتور: ايجان سەرىكجان قىزى