الماتىدا قوعامدىق كولىكتە ماسكا تاقپاعاندارعا ايىپپۇل سالىندى
ەپيدەميولوگتاردىڭ مالىمەتىنشە، قوعامدىق كولىك - ينفەكتسيانى جۇقتىراتىن نەگىزگى بەستىكتىڭ ءبىرى (%جۇقتىرۋ 16,8). سوندىقتان الماتى قالاسى اۋدان اكىمدىكتەرى جانىنان قۇرىلعان مونيتورينگ توپتارى ماسكا رەجيمىنىڭ ساقتالۋىن باقىلاۋ بويىنشا جۇمىس جۇرگىزىپ جاتىر.
ءبىر تاۋلىكتە 112 اۆتوبۋس پەن تروللەيبۋس تەكسەرىلدى. بۇزۋشىلىقتار مىنا اۆتوبۋستاردا انىقتالدى: №1, 98, 32, 123, 79, 11, 9, 45, 22, 135, 105, 201, 7, 126, 60, 114, 25, 5, 5ۆ، 29, 65, 37, 205, 224, 20, 148, 38, 62, 210, 45, 18.
ماسكا رەجيمىن بۇزعان 22 جەكە تۇلعاعا ايىپپۇل سالىندى، بارلىق جولاۋشىلار ق ر ا ق ب ت ك 1- ءبولىمىنىڭ 425-بابى بويىنشا اكىمشىلىك جاۋاپكەرشىلىككە تارتىلدى. ماماندار كوروناۆيرۋس ينفەكتسياسىنىڭ الدىن الۋ ءۇشىن الماتى تۇرعىندارىن حالىق كوپ جينالاتىن جەرلەردە، قوعامدىق كولىكتە قاۋىپسىزدىك شارالارىن، ماسكا رەجيمىن ساقتاۋعا شاقىردى.
قوعامدىق كولىكتەن باسقا، مونيتورينگ توپتاردىڭ وكىلدەرى قوعامدىق تاماقتانۋ، دۇكەندەر مەن باسقا دا ادامدار كوپ جينالاتىن نىسانداردى تەكسەرۋدى جالعاستىرىپ جاتىر. ءموبيلدى توپتاردىڭ مالىمەتى بويىنشا جىل باسىنان بەرى 1150 دەن استام مەيرامحانا، كافە مەن دۇكەندە، 171 كومپيۋتەرلىك كلۋبتا، 21 بيليارد كلۋبىندا، 5 سپا- سالونىندا، 31 ساۋنادا، 2 كاليان زالىندا، 54 كاراوكەدە كارانتيندىك شارالاردىڭ بۇزىلۋى انىقتالدى.
بەلگىلەنگەن شەكتەۋلەردى بۇزعان 3300 دەن استام ادام پوليسياعا جەتكىزىلدى.
