ياكۋتياداعى ورمان ءورتىنىڭ ءتۇتىنى نۇر- سۇلتانعا جەتتى

نۇر-سۇلتا.قازاقپارات -سوڭعى كۇندەرى نۇر- سۇلتان قالاسىن باسىپ تۇرعان ءتۇتىن ياكۋتيادان كەلدى، دەپ حابارلايدى «قازگيدرومەت» ر م ك باسپا ءسوز قىزمەتى.

«سوڭعى بىرنەشە كۇندە اۋقىمدى بيىك سيكلوننىڭ اسەرىنەن رەسپۋبليكانىڭ كەي ايماعىندا بۇلتتى اۋا رايى ساقتالدى. اۋا اعىنى سىبىردەگى ورمان ءورتىنىڭ ءتۇتىنىن اكەلدى. 10-11-تامىزدا نۇر- سۇلتان اتموسفەراسىنداعى ازوت ديوكسيدى رۇقسات ەتىلگەن شەكتى نورمادان 1,7 ش د ك دەيىن جوعارىلاعان» ، دەپ حابارلادى قازگيدرومەت.

سينوپتيكتەر الداعى كۇندەرى ءتۇتىن تارايتىنىن ايتتى. ونىڭ ورنىنا تازا، سالقىن اۋا ماسساسى كەلەدى.

بولجام بويىنشا، 12-تامىزدا جانە 13-تامىزدا تۇندە ەلوردادا جاڭبىر، نايزاعاي، ەكپىندى جەل كۇتىلەدى. اۋا تەمپەراتۋراسى تۇندە 8-10 گرادۋسقا، كۇندىز 16-18 گرادۋسقا دەيىن تومەندەيدى.

ياكۋتيا ءبىر ايعا جۋىق ورمان ورتىمەن كۇرەستى. ءبىر جارىم ميلليون گەكتار ورمان جويىلدى. ءورت ونداعان ەلدى مەكەنگە قاۋىپ ءتوندىرىپ وتىر.

egemen.kz