17:20, 11 - تامىز 2021 | GMT +5
ايماعامبەتوۆ: ءبىر وقۋشىدان ۆيرۋس تابىلسا، بۇكىل سىنىپ قاشىقتان وقۋعا جىبەرىلەدى
نۇر- سۇلتان. قازاقپارات - 1 وقۋشىدان كوروناۆيرۋس شىقسا بۇكىل سىنىپ قاشىقتان وقىتۋ فورماتىنا كوشىرىلەدى.
بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ ايتتى، دەپ حابارلايدى قازاقپارات ءتىلشىسى.
«ەگەر ءبىرىنشى سىنىپتا الدە ءبىر توپتا كوروناۆيرۋسپەن اۋىرعان بالا شىقسا، وندا ءدال سول توپ نەمەسە سىنىپ قاشىقتان وقىتۋ فورماتىنا جىبەرىلەدى. دەنساۋلىق ساقتاۋ مينيسترلىگىمەن كەلىسىلگەن قاعيدادا ءدال وسىنداي ماسەلە قاراستىرىلعان»، - دەدى اسحات ايماعامبەتوۆ Tengrinews.kz اقپاراتتىق پورتالىنا بەرگەن سۇحباتىندا.
ءمينيستردىڭ اتاپ وتۋىنشە، وقۋشىنىڭ، ستۋدەنتتىڭ اتا- اناسى نەمەسە ءبىلىم الۋشىنىڭ ءوزى اۋىرىپ قالسا، وندا ودان اۋرۋدىڭ كلينيكالىق بەلگىلەرى مەن سيمپتومدارى بايقالماسا دا ءبىلىم ورداسىنا كىرگىزىلمەيدى.
