ەربولات دوسايەۆ تەڭگە باعامىنىڭ قۇبىلمالى بولۋ سەبەبىن ايتتى

نۇر-سۇلتان. قازاقپارات - بۇگىن ۇكىمەت وتىرىسىندا بيىلعى جەتى ايداعى الەۋمەتتىك- ەكونوميكالىق دامۋدى تالقىلاۋ كەزىندە ۇلتتىق بانك ءتوراعاسى ەربولات دوسايەۆ تەڭگە باعىمىنا قاتىستى تۇسىنىك بەردى، دەپ حابارلايدى قازاقپارات ءتىلشىسى.

«بيىلعى جىلعى شىلدەدە تەڭگە باعامى مۇناي باعاسىنىڭ ءوسۋى اياسىندا ءبىر ا ق ش دوللارى ءۇشىن 424,45 تەڭگەگە دەيىن %0,7 عا نىعايدى. شىلدە ايىنداعى قۇبىلمالىلىققا قاراماستان، مۇناي باعاسىن بەلگىلەۋ 76,33 ا ق ش دوللارىنا دەيىن 1,6 پايىزعا ءوستى. وپەك+ تامىزدان باستاپ مۇناي ءوندىرۋدى اي سايىن ۇلعايتۋ تۋرالى ۋاعدالاستىققا كەلىسۋى، سونداي- اق ا ق ش- تاعى قورلاردىڭ تومەندەۋى جانە وتىنعا سۇرانىستىڭ ءوسۋى تۋرالى دەرەكتەر مۇناي باعاسىن قالىپتاستىرۋعا ىقپال ەتكەن نەگىزگى فاكتورلارعا جاتادى»، - دەدى ە. دوسايەۆ.

ونىڭ ايتۋىنشا، ترانسفەرتتەر ءبولۋ ءۇشىن ۇلتتىق قور اكتيۆتەرىن كونۆەرتاتسيالاۋ، كۆازيمەملەكەتتىك سەكتوردىڭ 480 ميلليون ا ق ش دوللارى سوماسىنا ساتىلىمدارى جانە ەكسپورتتاۋشىلاردىڭ سالىق تولەمدەرى كەزەڭىندە بيرجالىق نارىقتا ۆاليۋتالىق ءتۇسىمدى كونۆەرتاتسيالاۋى تەڭگەگە قوسىمشا قولداۋ كورسەتتى.

«ىسكەرلىك بەلسەندىلىكتىڭ قالپىنا كەلۋى اياسىندا تۇتىنۋ تاۋارلارى يمپورتىنىڭ جوعارى ءوسۋ قارقىنى شەتەل ۆاليۋتاسىنا شامادان تىس سۇرانىس تۋدىرۋدى جانە تەڭگەنىڭ نىعايۋىنا شەكتەۋشى اسەر ەتۋدى جالعاستىرۋدا. بيىلعى جىلعى تامىزدىڭ باسىنان باستاپ كوروناۆيرۋستىڭ دەلتا- شتامىمەن اۋرۋدىڭ ءوسۋى اياسىندا جاھاندىق ەكونوميكانىڭ پەرسپەكتيۆالارى بويىنشا بەلگىسىزدىككە بايلانىستى مۇناي نارىعىندا قىسىم كۇشەيە ءتۇستى»، - دەدى ۇ ب باسشىسى.

ونىڭ سوزىنە قاراعاندا، مۇنايدىڭ قۇبىلمالىلىعى جانە تاۋەكەل-سەنتيمەنتتىڭ وزگەرۋى تەڭگەنىڭ ايىرباستاۋ باعامىنا قىسىم كورسەتۋىن جالعاستىرۋدا.