ايماعامبەتوۆ پەداگوگتەردىڭ قانشا پايىزى ۆاكسينا العانىن ايتتى
بۇل تۋرالى بۇگىن ۇكىمەت وتىرىسىندا ق ر ءبىلىم جانە عىلىم ءمينيسترى اسحات ايماعامبەتوۆ ايتتى، دەپ حابارلايدى قازاقپارات ءتىلشىسى.
«9-تامىزداعى جاعداي بويىنشا، ءبىلىم مەكەمەلەرىندەگى پەداگوگتەردىڭ 93,1 پايىزى جانە باسقا قىزمەتكەرلەردىڭ 88,4 پايىزى كوروناۆيرۋسقا قارسى ۆاكسينا الدى. ستۋدەنتتەردىڭ ۆاكسينا الۋىن ىنتالاندىرۋ بويىنشا ۋنيۆەرسيتەتتەر ارنايى ءىس-شارالاردى ىسكە اسىرىپ جاتىر. وقۋ اقىسىن تومەندەتۋ، اقىسىز كۋرستار ۇيىمداستىرۋ، جولدامالار مەن باعالى سىيلىقتار بەرۋ سياقتى باستامالار ۋنيۆەرسيتەتتەردە كەڭىنەن قولدانىلۋدا»، - دەدى اسحات ايماعامبەتوۆ.
ءمينيستردىڭ دەرەگىنشە، جاڭا وقۋ جىلىندا پەداگوگتەردىڭ قاتارىن 12 مىڭنان استام جاس مامان تولىقتىرادى. ولاردىڭ باسىم بولىگى اقتوبە، تۇركىستان، جامبىل وبلىستارىندا جۇمىسقا كىرىسەدى. «جاڭا وقۋ جىلىنداعى 1-سىنىپتىڭ بولجامدى كونتينگەنتى 380 مىڭ بالا بولادى دەپ ەسەپتەيمىز. ونىڭ 97 پايىزى ەلەكتروندى تۇردە 1-تامىزعا دەيىن قۇجاتتارىن تاپسىردى»، - دەدى ول.
