21:32, 10 - تامىز 2021 | GMT +5
انتاليادا ءورت شىققان ايماقتا جابايى جىلقىلاردى ازىقتاندىرىپ جاتىر
انتاليا. انادولى- قازاقپارات - ەكولوگتار مەن بەلسەندىلەر تۇركيانىڭ وڭتۇستىگىندەگى انتاليا پروۆينتسياسى يبرادى اۋدانىندا ورمان ءورتى شىققان ايماقتا جابايى جىلقىلارعا ازىق بەرىپ جاتىر، دەپ حابارلايدى قازاقپارات انادولى اگەنتتىگىنە سىلتەمە جاساپ.
ەكولوگتار جابايى جىلقىلار ءۇشىن جازىق جەرگە 20 توننا جەم- ءشوپ قالدىرىپ جاتىر. بەلسەندىلەر تۇركيانىڭ ءار تۇكپىرىنەن جانۋارلار ءۇشىن ازىق اكەلۋدە. يبرادى اۋدانىنان ورمان ورتىنە بايلانىستى جازىق جەرگە تۇسكەن جابايى جىلقىلار جەرگىلىكتى تۇرعىندار مەن تۋريستەردىڭ نازارىن وزدەرىنە اۋدارۋدا. ولار جانۋارلاردى سۋرەتكە جانە ۆيدەوعا تۇسۋدە.
جابايى جىلقىلاردىڭ سانى شامامەن 1500 ءدى قۇرايدى. جەرگىلىكتى بيلىك، ورمان شارۋاشىلىعى باسقارماسى مەن قورشاعان ورتانى قورعاۋ باسقارماسى جىلقىلار ورتتەن زارداپ شەكپەۋى ءۇشىن بارىن سالۋدا. انادولى اگەنتتىگىنىڭ دروندارى جابايى جىلقىلاردى اۋەدەن ءتۇسىرىپ العان. كادردان ءۇيىر- ءۇيىر جىلقىلار مەن ەكولوگتاردىڭ جۇمىسىن كورۋگە بولادى.
