19:02, 10 - تامىز 2021 | GMT +5
قازاقستان مەن موڭعوليا ارنايى اۋە رەيسىن شىعارادى
نۇر-سۇلتان.قازاقپارات - قازاقستان مەن موڭعوليا اراسىندا ەلىنە ورالعىسى كەلەتىن ازاماتتار ءۇشىن ارنايى رەيس ۇيىمداستىرىلادى.
ق ر موڭعولياداعى ەلشىلىگى مەن «HunnuAir» اۆياكومپانياسى 14-تامىزدا ۋلان- باتور - نۇر- سۇلتان - ۋلان- باتور جانە 19-تامىزدا ۋلان- باتور - الماتى - ۇلان- باتور باعىتىندا ارنايى رەيس ۇيىمداستىرۋدى جوسپارلاپ وتىر.
جوعارىدا ايتىلعان ارنايى رەيستەر موڭعولياعا ورالعىسى كەلەتىن قازاقستان ازاماتتارى مەن قازاقستاندا تۇرۋعا ىقتيارحاتى بار موڭعوليا ازاماتتارىن قابىلداۋعا دايىن.
سونىمەن قاتار، ۆەدومستۆو قازاقستانعا ميگراتسيالىق زاڭنامانى بۇزىپ كەلگەن موڭعوليا ازاماتتارىنىڭ وسى رەيستەرمەن ءوز وتانىنا ورالۋعا بولاتىنىن ءتۇسىندىردى.
«بۇل ءۇشىن ولارعا الماتى قالاسى پوليتسيا دەپارتامەنتىنىڭ كوشى- قون قىزمەتى باسقارماسىنا قاراساي باتىر كوشەسى، 109ا مەكەنجايى بويىنشا حابارلاسۋ قاجەت» ، دەپ حابارلادى پوليتسيا دەپارتامەنتىنەن.
egemen.kz
