قارشاداي قىز جابىق جەرتولەدە جالعىز ءوزى قالىپ قويعان – وسكەمەن

وسكەمەن. قازاقپارات - وسكەمەن قالاسىندا 8 جاستاعى قىز جالعىز ءوزى جابىق جەرتولەدە قالىپ قويعان، دەپ حابارلايدى قازاقپارات ءتىلشىسى.

ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنشە، 10 -تامىزدا كۇلەنوۆ كەنتىندەگى حالىقتار دوستىعى كوشەسىندە ورنالاسقان جەرتولەدە ويناپ جۇرگەن كىشكەنتاي قىز ەسىكتى جاۋىپ الىپ، قامالىپ قالعان. اتا- انالارى قۇتقارۋشىلارعا قوڭىراۋ شالىپ، كومەك سۇرادى.

«دەپارتامەنتتىڭ مامانداندىرىلعان جاساعى وقيعا ورنىنا جىلدام كەلىپ جەتتى. ولار ارنايى قۇرال- سايمانداردىڭ كومەگىمەن جەرتولەدەگى تەمىر توردى بولشەكتەپ، سول ارقىلى ىشكە كىردى دە ەسىكتى اشتى. 8 جاستاعى قىزدىڭ دەنساۋلىعىنا ەشقانداي قاۋىپ ءتونىپ تۇرعان جوق»، - دەپ حابارلادى ۆەدومستۆو وكىلدەرى.

وسى رەتتە، وبلىستىق ت ج د ماماندارى ءوڭىر جۇرتشىلىعىنا بالالاردى قاراۋسىز قالدىرماۋ قاجەتتىگىن ەسكەرتەدى.