قازاقستان مەن موڭعوليا اراسىندا ارنايى اۋە رەيستەرى قاتىنايدى

الماتى. قازاقپارات - ءوز ەلىنە قايتقىسى كەلەتىن موڭعوليا ازاماتتارى رەپاترياتسيالىق رەيستەردى پايدالانا الادى، دەپ حابارلايدى قازاقپارات الماتى قالاسى پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

قازاقستان رەسپۋبليكاسىنىڭ موڭعولياداعى ەلشىلىگى مەن «HunnuAir» اۋە كومپانياسى 2021 -جىلدىڭ 14- تامىزى ۇلانباتىر - نۇر- سۇلتان - ۇلانباتىر جانە 19- تامىز كۇنى ۇلانباتىر - الماتى - ۇلانباتىر باعىتتارى بويىنشا ارنايى رەيستەر ۇيىمداستىرۋدى جوسپارلاپ وتىر.

«جوعارىدا اتالعان ارنايى رەيستەر موڭعولياعا قايتقىسى كەلەتىن قازاقستان ازاماتتارى مەن قازاقستاندا تۇرۋعا ىحتيارحاتى بار موڭعوليا ازاماتتارى جانە ولاردىڭ وتباسىلارىن قابىلداۋعا دايىن. ودان بولەك، قازاقستانعا كوشى- قون زاڭناماسىن بۇزىپ كەلگەن موڭعوليا ازاماتتارى دا رەپاترياتسيوندىق رەيستەرمەن ءوز ەلىنە ورالا الادى. ول ءۇشىن ولارعا قاراساي باتىر كوشەسى 109ا مەكەن- جايى بويىنشا الماتىنىڭ پوليتسيا دەپارتامەنتىنىڭ كوشى- قون باسقارماسىنا جۇگىنۋ كەرەك»، - دەدى الماتى پد- دە.

اۆتور: ءبيبىحان سەرىكوۆا