13:41, 10 - تامىز 2021 | GMT +5
ياكۋتياداعى ورمان ءورتىنىڭ ءتۇتىنى قازاقستانداعى اۋا ساپاسىنا اسەر ەتتى – قازگيدرومەت
نۇر- سۇلتان. قازاقپارات - تامىز ايىنىڭ ءبىرىنشى ون كۇندىگىندە رەسەيدىڭ ياكۋتيا ايماعىنداعى ورمان ءورت ءتۇتىنى قازاقستاننىڭ سولتۇستىك- شىعىس وڭىرلەرىنە تارادى.
بۇل تۋرالى قازاقپارات قازگيدرومەتكە سىلتەمە جاساپ حابارلايدى.
«تامىز ايىنىڭ ءبىرىنشى ونكۇندىگىنىڭ ورتاسىنان باستاپ، باتىس ءسىبىردىڭ ۇستىندە بيىك سيكلون ورنالاستى. بۇل ورمان ءورتى بولىپ جاتقان ياكۋتيا ايماقتارىنان باتىس ءسىبىردىڭ وڭتۇستىگىنە اۋا ماسساسىن تاسىمالداۋعا ىقپال ەتتى. بۇدان ءارى ورمان ورتتەرىنەن ءتۇتىن پەردەسىنىڭ شلەيفى قازاقستاننىڭ سولتۇستىك- شىعىس وڭىرلەرىنە بىرتىندەپ تارالدى. سونىمەن قاتار جەرگىلىكتى دالا ءورتى (ش ق و) اتموسفەرالىق اۋا ساپاسىنىڭ ناشارلاۋىنا قوسىمشا ىقپال ەتتى»، - دەلىنگەن قازگيدرومەت حابارلاماسىندا.
2021 -جىلدىڭ 9-10 - تامىزىندا شىعىس قازاقستان وبلىسىنىڭ اۋماعىندا اتموسفەرالىق اۋادا شەكتى رۇقسات ەتىلگەن نورمادان اسىپ كەتۋ جاعدايلارى تىركەلگەن.
