قىتاي استاناسىنىڭ تۇرعىنىنان تۇينەمە انىقتالدى

بەيجىڭ. قازاقپارات - بەيجىڭدە تۇينەمەگە شالدىعۋ جاعدايى تىركەلدى. بۇل تۋرالى دۇيسەنبى كۇنى بەيجىڭ قالاسىنىڭ اۋرۋلاردى قاداعالاۋ جانە الدىن الۋ ورتالىعىنان ءمالىم ەتتى، دەپ حابارلايدى قازاقپارات ءتىلشىسى.

قالا دارىگەرلەرى سولتۇستىك- شىعىستاعى حىبي پروۆينسياسىنىڭ چەندە قالاسىندا تۇرعىنداردىڭ بىرىنەن تۇينەمە اۋرۋىن انىقتاعان. پاتسيەنت چەندەدەن بەيجىڭ اۋرۋحاناسىنا جەتكىزىلدى. ونىڭ بويىنان اۋرۋ بەلگىلەرىنىڭ پايدا بولعانىنا ءتورت كۇن بولعان. قازىرگى كەزدە وقشاۋلانعان پاتسيەنت مامانداردىڭ قاراۋىندا، ول ەمدەۋ كۋرسىن ءوتىپ جاتىر.

بەيجىڭ قالاسىنىڭ اۋرۋلاردى قاداعالاۋ جانە الدىن الۋ ورتالىعىنىڭ بولجامىنشا، ناۋقاس ىندەتتى ءۇي مالىنان جۇقتىرۋى مۇمكىن.