ادامزاتقا قاۋىپ ءتونىپ تۇر - بىرىككەن ۇلتتار ۇيىمى دابىل قاقتى

جەنەۆا. قازاقپارات - عالامشاردىڭ بارلىق ايماقتارىندا كليماتتىڭ وزگەرۋى بايقالۋدا.
None
None

بۇل پروتسەسس جىلدام قارقىن الىپ، ونىڭ سالدارى ورنى تولماس جاعدايلارعا اكەلۋدە.

بۇل تۋرالى جەنەۆادا جاريا ەتىلگەن كليمات بويىنشا ۇكىمەتارالىق ساراپشىلار توبىنىڭ بايانداماسىندا ايتىلدى، دەپ حابارلايدى قازاقپارات ب ۇ ۇ جاڭالىقتار ورتالىعىنا سىلتەمە جاساپ.

ورنى تولمايتىن قاۋىپتى وزگەرىستەر

بۇگىندە ادامزات قىزمەتىنىڭ قاتىسۋىمەن بولعان جاھاندىق جىلىنۋ عالامشاردىڭ بارلىق ايماقتارىندا ەكسترەمالدىق اۋا رايىنىڭ كوپتەگەن جاعدايلارىنىڭ ورىن الۋىنا اكەلگەن.

بۇدان بولەك، عالىمداردىڭ مالىمەتتەرىنشە، جەر عالامشارىنىڭ بارلىق كليماتتىق جۇيەسى وزگەرىپ، بۇل وزگەرىستەر اتموسفەرا، تەڭىزدەر، جەردىڭ مۇز قابىقتارى مەن توپىراق بەتىنە اسەر ەتىپ وتىر. بۇل وزگەرىستەردىڭ كوبى ورنى تولماس قايعىلى جاعدايلارعا سەبەپ بولۋدا.

الايدا بايانداما اۆتورلارى، ياعني 66 ەلدىڭ 234 ساراپشىسى ادامزات كليماتتىڭ وزگەرۋىنە ءالى دە بولسا ءوزىنىڭ وڭ اسەرىن تيگىزەتىنىنە سەنىمدى. ول ءۇشىن اتموسفەراعا زياندى زاتتار، سونىڭ ىشىندە پارنيكتىك گازدىڭ شىعارىلۋىن ازايتىپ، سول ارقىلى اۋانىڭ ساپاسىن قىسقا مەرزىم ىشىندە ايتارلىقتاي جاقسارتىپ، جاھاندىق تەمپەراتۋرانى تۇراقتاندىرۋعا بولادى.

ادامزات ءۇشىن دابىل بەلگىسى

ب ۇ ۇ باس حاتشىسى انتونيۋ گۋتەرريشتىڭ پىكىرىنشە، جۇمىس توبىنىڭ بايانداماسى - بۇكىل ادامزات ءۇشىن دابىل قاعۋ بەلگىسى.

«بۇل - قاتتى دابىل، ال ۇسىنىلعان كۋالىكتەر داۋسىز»، - دەپ ءتۇسىندىردى ول عالىمداردىڭ تۇجىرىمىن. ول حالىقارالىق قاۋىمداستىقتىڭ جاھاندىق جىلىنۋدى 1,5 گرادۋستان اسپايتىن دەڭگەيدە ۇستاپ تۇرۋعا كەلىسكەنىن، الايدا الداعى ۋاقىتتا شۇعىل شارالار قابىلدانباسا، ول شامادان اسىپ كەتەتىنىن ەسكە سالدى. «بۇعان قالاي بولعاندا دا جول بەرمەۋىمىز كەرەك»، - دەپ ەسكەرتتى گۋتەرريش.

ول قاراشادا گلازگودا وتەتىن كليمات جونىندەگى كونفەرەنسيا قارساڭىندا اسىرەسە جيىرمالىق توپقا كىرەتىن بارلىق ەلدەر كليماتتىڭ وزگەرۋىنە قارسى كۇرەسكە بەيىلدىلىگىن راستاپ، «نولدىك شىعارىندى» كواليتسياسىنا قوسىلۋى ءتيىس ەكەنىن اتاپ ءوتتى.

اۆتور: زارينا تۋعانبايەۆا


سوڭعى جاڭالىقتار