قازاقستانعا مەرزىمى ءوتىپ كەتكەن ۆاكسينا اكەلىنگەنى راس پا
بۇل - جالعان، دەپ حابارلايدى Stopfake.kz.
قازاقستاندا قولدانىلاتىن «سپۋتنيك- V» ۆاكسيناسى قاراعاندى فارماتسەۆتيكالىق كەشەنىندە شىعارىلادى. ۇيىم وكىلدەرى پرەپاراتتىڭ پاتسيەنتتەرگە مەرزىمى ءوتىپ جەتكىزىلەتىنى تۋرالى قاۋەسەتتى جوققا شىعاردى.
- قاراعاندى فارماتسيەۆتيكالىق كەشەنىندە شىعارىلعان «سپۋتنيك V» پرەپاراتىنىڭ ءاربىر پارتياسى (I جانە II كومپونەنتى) ۆاكسينا وندىرۋشىدە (ساپاسىن راستاۋ ءۇشىن، رەسەيلىك ساراپشىلاردىڭ قاتىسۋىمەن، ىرىكتەلگەن ۇلگىلەر گامالەيا ات. ورتالىققا جىبەرىلەدى) سايكەستىككە قاتاڭ تەكسەرىستەن وتەدى. ۆاكسينانىڭ ساپاسى مەن قاۋىپسىزدىگىن كوپساتىلى دەڭگەيلى باقىلاۋدان كەيىن «سپۋتنيك- V» ق ر نارىعىنا جىبەرىلەدى. پرەپارات كەمىندە -35 س تەمپەراتۋرادا ساقتالاتىن قويمادان «سۋىق تىزبەكتى» قاتاڭ ساقتاي وتىرىپ، «س ك-فارماتسيا» - نىڭ ۆاكسينا تاسىمالداۋ بويىنشا ارنايى كولىگىنە تيەلەدى. ءبىرىڭعاي ديستريبيۋتور حابتارىنا جانە ودان ءارى قر وڭىرلەرىنە جەتكىزۋدى «س ك- فارماتسيا» جۇزەگە اسىرادى»، - دەپ حابارلادى «قاراعاندى فارماتسيەۆتيكالىق كەشەنى» ج ش س باسپا ءسوز قىزمەتىنەن.
«س ك- فارماتسيا» كومپانياسىندا تۇسىندىرگەندەي، پرەپاراتتى وڭىرلەرگە جونەلتۋ ەكپە وندىرۋشىدەن كەلىپ تۇسكەن سوڭ بىردەن جۇزەگە اسىرىلادى. - ۆاكسينالاردى ساقتاۋ مەرزىمى شىعارىلعان كۇننەن باستاپ 6 ايدى قۇرايدى. ۆاكسينالاردى جەتكىزۋ وندىرىستىك سيكلگە بايلانىستى. وندىرۋشىدەن الىنعان ۆاكسينا دەرەۋ وڭىرلەرگە جونەلتىلەدى. ۆاكسينالاردى وڭىرلەرگە ۇلەستىرۋ قالعان مولشەرىن، سونداي-اق مەديتسينالىق مەكەمەلەر، ۆاكسيناتسيا پۋنكتتەرى دەڭگەيىندە ساقتاۋ مۇمكىندىكتەرىن ەسكەرە وتىرىپ جۇزەگە اسىرىلادى، - دەپ حابارلادى «س ك- فارماتسيا».
وسىلايشا، پرەپارات ۆاكسيناتسيالاۋ پۋنكتتەرىنە قولدانۋعا جارامدى كۇيدە تۇسەدى. سونىمەن قاتار، ۆاكسينا العان ءاربىر قازاقستاندىق امپۋلانى كورسەتۋدى سۇراپ، پرەپاراتتىڭ مەرزىمى ءوتىپ كەتپەگەنىنە كوز جەتكىزۋگە قۇقىلى. «بارشاڭىزدى تەك رەسمي اقپاراتقا عانا سەنۋگە شاقىرامىز» دەپ ەسكەرتەدى Stopfake.kz.
