قاراعاندىدا كارانتين ەرەجەسىن بۇزىپ، جانجال شىعارعان ەكى تۇرعىن تۇتقىندالدى

قاراعاندى. قازاقپارات - قاراعاندىدا موبيلدى توپقا قارسىلىق كورسەتكەن ەكى ەر ادام ءۇش تاۋلىككە تۇتقىندالدى.

ولار كارانتين شەكتەۋىنە قاراماستان كوتتەدجدە قوناق جيناپ، ءىس-شارا وتكىزگەن، دەپ حابارلايدى قازاقپارات ءتىلشىسى.

«قاراعاندى قالاسى اكىمشىلىك سوتىنىڭ قاۋلىسىمەن موبيلدى توپ مۇشەلەرىنە باعىنباعان ەكى ەر ادامعا قاتىستى ءارقايسىسىنا ءۇش تاۋلىك اكىمشىلىك قاماۋ تۇرىندە جازا قولدانىلدى»، - دەپ مالىمدەدى قاراعاندى وبلىستىق پ د باسپا ءسوز قىزمەتى.

ەسكە سالا كەتەيىك، 8-تامىز كۇنى «109» تەلەفونىنا ش. جانداربەكوۆا كوشەسىندەگى كوتتەدجدە سالتاناتتى ءىس-شارا ءوتىپ جاتقانى تۋرالى حابارلاما كەلىپ ءتۇستى. وقيعا ورنىنا پوليتسيا قىزمەتكەرلەرى، اكىمدىك جانە س ە ق وكىلدەرىنەن قۇرالعان موبيلدى توپ كەلىپ جەتكەن. كارانتين نورمالارىن بۇزۋ فاكتىسىن تىركەۋ كەزىندە 50 جاستاعى ءۇي يەسى مەن ونىڭ 54 جاستاعى اعاسى موبيلدى توپ مۇشەلەرىنە كەدەرگى كەلتىرگەن.