الەكساندر گينسبۋرگ: كوروناۆيرۋس تا تۇماۋ سياقتى ۆاكسينامەن رەتتەلەتىن اۋرۋعا اينالادى

ماسكەۋ. قازاقپارات - رەسەيدىڭ ن. ف. گامالەيا اتىنداعى ەپيدەميولوگيا جانە ميكروبيولوگيا ۇلتتىق زەرتتەۋ ورتالىعىنىڭ ديرەكتورى الەكساندر گينسبۋرگ كوروناۆيرۋس كەلەشەكتە تۇماۋ سياقتى ۆاكسينامەن رەتتەلەتىن اۋرۋعا اينالادى دەگەن بولجام ايتتى.

بۇل تۋرالى قازاقپارات تاسس اگەنتتىگىنە سىلتەمە جاساپ حابارلايدى.

«ادامزات بۇل ينفەكسيانى ىندەت تىزىمىنەن ىعىستىرىپ، قىزىلشا، تۇماۋ، قىزامىق سياقتى ۆاكسينامەن رەتتەلەتىن اۋرۋلار ساناتىنا ەنگىزەدى. قولدانىسقا ەنگىزىلەتىن اقىلعا قونىمدى شارالاردىڭ ارقاسىندا بۇل اۋرۋ دا تۇماۋ سياقتى وتەتىن بولادى. ءبىز بۇل ىندەتتەن ءتيىمدى قورعانۋدىڭ جولىن تۇبىندە ۇيرەنەمىز» ، - دەدى عالىم «پوكا جيۆى - بۋدەم جيت» دەگەن اتپەن شىعاتىن دەرەكتى فيلمدە. گينسبۋرگتىڭ ايتۋىنا قاراعاندا، كوروناۆيرۋسقا قارسى ۆاكسيناتسيا ادامدى ەكى جىلدان استام مەرزىمگە دەيىن ينفەكسيادان قورعاي الادى.

«ەۆوليۋتسيا پروتسەسىندە انتيدەنەلەردىڭ ورنىنا جادى بار جاسۋشالار پايدا بولاتىن مەحانيزم قالىپتاستى. ۆاكسينا الماي تۇرىپ ءسىزدىڭ اعزاڭىزدا جادى بار 100 جاسۋشا بولسا، ۆاكسينانىڭ ەكىنشى دوزاسىن العاننان كەيىن ونىڭ سانى 10 مىڭعا جەتۋى مۇمكىن. ءبىر رەت ەكپە الۋدىڭ ارقاسىندا 3-5-اي بويى جادى بار جاسۋشالاردىڭ قورعاۋىندا بولاتىنىڭىزدى ەسكەرسەك، ەكىنشى رەت ەكپە الۋ ارقىلى ەكى جىلدان استام ۋاقىت اعزاڭىز جاسۋشالاردىڭ قورعاۋىندا بولادى دەگەن ءسوز»، - دەدى الەكساندر گينسبۋرگ.

اۆتور: ەسىمجان ناقتىباي