08:39, 10 - تامىز 2021 | GMT +5
اتىراۋدا بالالارعا ارنالعان مەديتسينالىق ماسكا شىعارىلماق
اتىراۋ. قازاقپارات - اتىراۋدا بىلتىر «دوكتور حاۋس» ج ش س مەديتسينالىق ماسكالار شىعارۋدى باستاعان ەدى.
ەندى بالالارعا ارنالعان ماسكا شىعارۋدى جوسپارلاپ وتىر، دەپحابارلايدى قازاقپارات.
سەرىكتەستىكتىڭ باس ينجەنەرى مۇحتار ماحمەتوۆتىڭ ايتۋىنشا، ماسكا شىعارۋ ىسىنە 20 ادام تارتىلعان.
«ءبىر رەتتىك ماسكالاردى شىعارۋعا توقىما ەمەس ماتەريال قولدانىلادى. ءۇش قاباتتى ماسكانى پايدالانۋ مەرزىمى 2 ساعاتتان اسپايدى. جىلىنا ەرەسەكتەرگە ارنالعان 30 ميلليون مەديتسينالىق ماسكا شىعارامىز. ەندى بالالارعا ارنالعان ماسكالار شىعارۋدى كوزدەپ وتىرمىز. ماسكالاردى ەلىمىزدىڭ بارلىق ايماعىنا جەتكىزۋدى جوسپارلاۋدامىز»، - دەيدى مۇحتار ماحمەتوۆ.
ەسكە سالا كەتەلىك، بۇدان بۇرىن اتىراۋدا جىلىنا 30 ميلليون مەديتسينالىق ماسكا شىعاراتىن ءوندىرىس ىسكە قوسىلعانىن حابارلاعان ەدىك.
