الماتىدا وليمپيادانىڭ قولا جۇلدەگەرىنە اۆتوكولىك سىيعا تارتىلدى

الماتى. قازاقپارات - وليمپيادادا ەركىن كۇرەستەن قولا جۇلدەنى جەڭىپ العان نۇريسلام سانايەۆقا جاڭا اۆتوكولىك سىيعا تارتىلدى، دەپ حابارلايدى قازاقپارات ءتىلشىسى.

وعان BMW ماركالى كولىگىنىڭ كىلتى الماتى اۋەجايىندا تابىستالدى. سپورتشىنى جاقىندارى، تانىستارى جانە دوستارى قارسى الدى. سونىمەن قاتار، بۇگىن ەلىمىزگە توكيوداعى وليمپيادا ويىندارىندا سىنعا تۇسكەن قازاقستاندىق وزگە دە سپورتشىلار ورالدى.

بۇعان دەيىن نۇريسلام سانايەۆ وليمپيادا ويىندارىندا قولا جۇلدەنى العاننان كەيىن ءوزىنىڭ پىكىرىن بىلدىرگەن ەدى.

ەسكە سالا كەتەيىك ، 5-تامىزدا توكيو وليمپياداسىندا ەركىن كۇرەستەن 57 كەلىگە دەيىنگى سالماقتا قولا مەدال ءۇشىن كەزدەسۋلەر ءوتتى. ول بولگاريالىق گەورگي ۆانگەلوۆتى 5:1 ەسەبىمەن ۇتقان بولاتىن.