20:23, 09 - تامىز 2021 | GMT +5
قىتايدا جارتى ميلليونداي ادام تاسقىننان زارداپ شەكتى
نۇر-سۇلتان.قازاقپارات - قىتايدىڭ وڭتۇستىك- باتىسىندا تولاسسىز قۇيعان نوسەر سوڭى الاپات تاسقىنعا ۇلاستى. تابيعي اپاتتان اسىرەسە سىچۋان پروۆينتسياسىنا قيىن سوقتى.
بۇل ايماقتا 80 مىڭنان استام ادام قاۋىپسىز جاققا كوشىرىلدى. جەرگىلىكتى اقپارات قۇرالدارىنىڭ حابارلاۋىنشا، داجوۋ سۋ قويماسىنداعى سۋ دەڭگەيى قالىپتى مەجەدەن 2 جارىم مەترگە كوتەرىلگەن. جالپى 6 قالانىڭ جارتى ميلليونداي تۇرعىنى زارداپ شەكتى. 45 ءۇي قيراپ، جۇزدەن اسا عيماراتقا زاقىم كەلگەن.
الدىن الا اقپارات بويىنشا، جاۋىن- شاشىن قازىردىڭ وزىندە 40 ميلليونعا جۋىق دوللار شىعىنعا باتىردى.
