باقىتتى ىزدەۋ - وزگەرۋدىڭ بەلگىسى

نۇر-سۇلتان.قازاقپارات -باقىت پەن تىنىش ءومىردى دالادان ىزدەۋدىڭ كەرەگى جوق. ولار ءبىزدىڭ اينالامىزدا.

قاتەلىك - بىزدەن. ءبىز ءوزىمىزدىڭ كەمشىلىكتەرىمىزدى تۇزەسەك، سىن پىكىردەن اۋلاق بولساق تىنىشتىقتا جۇرەمىز. باقىتتى بولۋ ءۇشىن تاعى نە ىستەۋ قاجەت؟

1. «مەنىكى دۇرىس» دەگەن پىكىردەن قاشىق بولىڭىز

ءبىزدىڭ ارامىزدا كۇيزەلىس ورناپ، جۇرەك اۋىرىپ، قارىم- قاتىناس ولۋگە شاق قالعاندا دا، وزگەنىڭ كوزقاراسىن، پىكىرىن قابىلداي المايتىن ادامدار وتە كوپ. مۇنىڭ جانىندا ءسىزدىڭ تىرمىسۋلارىڭىز ەشتەڭەگە تۇرمايدى.

2. ءبارىن باقىلاۋدى دوعارىڭىز

اينالاڭىزدا بولىپ جاتقان وقيعالاردىڭ بارلىعىن باقىلاۋدان تىيىلىڭىز. مەيلى، ولار ءسىزدىڭ تۋىسىڭىز، باۋىرىڭىز، ارىپتەسىڭىز، كوشەدەگى بەيتانىس ادام بولسىن. ولارعا ءوز بولمىسىمەن كۇن كەشۋگە مۇمكىندىك بەرىڭىز. وزگەگە ۇناي الماعانى ءۇشىن ەشكىم دە كىنالى ەمەس.

3. وزگەگە كىنا ارتۋدان ارىلىڭىز

سىزدە جوق نارسە ءۇشىن، سىزدەگى سەزىمدەر ءۇشىن وزگەنى ايىپتاماڭىز. ەنەرگياڭىزدى مۇنداي اۋرەلىككە جۇمساماستان، ومىرىڭىزگە دەگەن جاۋاپكەرشىلىكتى موينىڭىزعا العانىڭىز ءجون.

4. نەگاتيۆ ويلارعا ورىن جوق!

نەگاتيۆتى ويلارى مەن ەموتسيالارىنا ءومىرىن باسقارۋعا مۇمكىندىك بەرۋ ارقىلى قانشاما ادام وزدەرىنە زيانىن تيگىزىپ جاتىر. ءسىز مىقتىسىز جانە ۇلى ىستەر جاساۋعا قابىلەتىڭىز بار.

5. شاعىم ايتۋدى دوعارىڭىز

ءسىزدى باقىتسىز، مۇڭدى ەتەتىن ادامدارعا، جاعدايلارعا، جاڭالىقتارعا شاعىم ايتۋ ادەتىڭىزدە بار ما؟ دەرەۋ ەس جيىڭىز! ەشكىمنىڭ دە ءسىزدى باقىتسىز ەتۋگە قاقىسى جوق، ەشبىر جاعداي ءسىزدىڭ كوڭىل- كۇيىڭىزدى باسقارا المايدى. تەرىس سەزىمدەردى تۋدىراتىن دا جاڭالىقتار ەمەس.

6. سىننان باس تارتىڭىز

سىزدەن وزگەشەلەنەتىن ادامدار مەن ءسىز كۇتپەگەن وقيعالاردى سىناۋدى قويىڭىز. ادامداردىڭ ءبارى ءارتۇرلى جانە بارىنە بىردەي ۇناي بەرمەيدى.

7. وزگەگە جاعۋدى توقتاتىڭىز

شىن مانىندەگى بەينەڭىزدى جوعالتىپ، وزگەلەر ءۇشىن ەكىجۇزدى بولۋدى تاستاڭىز. ماسكاڭىزدى شەشىڭىز جانە شىنايى «مەنىڭىزدى» جاقسى كورىڭىز.

8. وزگەرىستەرگە قارسى تۇرۋدى دوعارىڭىز

وزگەرىستەر - بۇل قالىپتى، ولار ا بەكەتىنەن ب بەكەتىنە جەتۋ ءۇشىن اۋاداي قاجەت. وزگەرىستەر ءسىزدىڭ، ءبىزدىڭ جانە ولاردىڭ ءومىرىن وزگەرتۋگە سەپتىگىن تيگىزەدى جانە باقىتتى ەتە الادى.

9. وتكەندى جىبەرىڭىز

بىلەمىز، بۇل قيىن. اسىرەسە، وتكەن قازىرگىدەن دە ۇنايتىن، ال بولاشاق كۇڭگىرت بولعاندا تاڭداۋ جاساۋ وڭاي ەمەس. الايدا، وسى شاق - ءسىزدىڭ بارىڭىز. وسى فاكتىنى قابىلداڭىز.

10. قورقىنىشتان ارىلىڭىز

قورقىنىش - بۇل جاي عانا يلليۋزيا، ول جوق نارسە. ونى جاساعان مىنا ءسىز. ءبارى دە ءسىزدىڭ ويىڭىزدا. ىشكى قارىم- قاتىناسىڭىزدى وزگەرتىڭىز - سىرتى ءوز ورنىنا كەلەدى.

11. وزگە ادامداردى كۇتۋمەن ءومىر وتكىزۋدى توقتاتىڭىز

كوپشىلىك وزىنە تيەسىلى ەمەس ءومىردى ءسۇرىپ جاتىر. ولار باسقالاردىڭ: اتا- اناسىنىڭ، دوستارىنىڭ، ۇستازدارىنىڭ، ۇكىمەتتىڭ جانە قوعامنىڭ دۇرىس دەپ تاپقانىمەن جۇرەدى. ولار وزدەرىنىڭ ىشكى داۋىسىن جوققا شىعارادى. وزگەلەردى كۇتۋگە بەرىلىپ كەتكەنى سونشالىقتى، ءوز ومىرىنە باقىلاۋ جاساۋدان قالعان. ولار شىن مانىندەگى باقىت اكەلەتىن جولدى، شىن مانىندەگى قالاۋىن ۇمىتىپ قالعان، سوڭىندا وزدەرىن دە ۇمىتادى.

massaget.kz