الماتىدا ءىرى ەسىرتكى زەرتحاناسىن اشقان ادام سوتتالدى
زەرتحانا 2020 -جىلدىڭ تامىزىندا ناۋرىزباي اۋدانىنىڭ اۋماعىندا ورنالاسقان باۋ- باقشالاردىڭ بىرىنەن تابىلعان ەدى.
«ەسىرتكى زەرتحاناسىنا اينالعان ۇيدەن سينتەتيكالىق ەسىرتكى وندىرۋگە ارنالعان ءتۇرلى جابدىقتار تابىلدى. سونداي- اق، ءىرى كولەمدە دايىن ونىمدەر - «مەفەدرون» مەن ا- PVP جۇيكەگە اسەر ەتەتىن زاتتار تاركىلەندى»، - دەدى الماتى قالالىق پ د تەرگەۋ باسقارماسى باستىعىنىڭ ورىنباسارى ءادىل سالايەۆ.
بەلگىلى بولعانداي، پوليتسەيلەردىڭ كوزىنە الماتى قالاسىنداعى ترانسپورتتىق- لوگيستيكالىق كومپانيالاردىڭ بىرىنە سينتەتيكالىق ەسىرتكى دايىندايتىن زەرتحانا قۇرالدارى تيەلگەن جۇك تۇسكەن. «جۇككە» 45 جاستاعى ك. ەسىمدى ازامات تاپسىرىس بەرگەن. ارنايى شارالار جۇرگىزىلىپ، ونىڭ زاڭسىز قىزمەتى مەن ەسىرتكى زەرتحاناسى انىقتالدى. زەرتحانا يەسى ۇستالىپ، ق ر ق ك 297-بابى 3-بولىگى 3-تارماعى بويىنشا ايىپتى دەپ تانىلدى. ول 11 جىلعا باس بوستاندىعىنان ايىرىلدى.
اۆتورى: ەلامان تۇرىسبەكوۆ
